Motseng wa Manyosi ho ne ho ena le ngwanana ya bohlale ya bitswang Nomusa.O ne a dula le nkgonae yeo e neng e le mohwebi wa poone.Batho ba bangata motseng oo ba ne ba sa tsebe ho bala le ho ngola. E ne e le bahwebi.

Nomusa o ne a rata sekolo, mme nkgonae o ne a le motlotlo ka yena.Ka mehla ha a etswa sekolong, nkgonae o ne a mo fa mosebetsi.O ne a tshwanetse ho lelekisa ditshwene le dinonyana tse neng di eja dijalo tsa hae.

Nomusa o ne a thatafallwa ke ho lelekisa ditshwene le dinonyana letsheare kaofela.O ne a haellwa ke ho qeta mosebetsi wa hae wa sekolo.Bana ba bangata motseng ba ne ba sa ye sekolong hobane ba ne ba tshwanetse ho ya masimong letsatsi lohle.

Ha nako e ntse e tsamaya, Nomusa a kgathala ke ho lelekisa dinonyana le ditshwene masimong.“Ke na le mohopolo o bohlale,” a nahana.

Nomusa a tlamella dithupana mmoho. A kwahela dithupana ka hempe ya hae mme a tlamella sekhethe sa hae mahareng.A tshwara dithupana di otlolohile yaba o di rwesa katiba ya hae ya mosebetsi.E ne e le setshosa!

Nomusa a beha setshosa mahareng a masimo.“Hona ho tla nka sebaka sa ka ha ke ntse ke etsa mosebetsi wa ka wa sekolo,” ho rialo Nomusa a bososela.

Tsatsi le leng le le leng, o ne a nka mokotlana wa hae wa sekolo sephiring ho ya masimong.O ne a apara yunifomo ya hae mme a apesa setshosa diaparo tsa hae tsa mosebetsi.O ne a etsa mosebetsi wa hae wa hae tlasa moriti wa sefate.

Matsatsi a ya mme Nomusa a nahana, “Nkgono a keke a elellwa mohopolo wa ka o bohlale.”Nomusa o ne a thabile a bile a maketse.Ditswhene le dinonyana ha di a hlola di tla masimomng.

Motsheare o mong, nkgona Nomusa a ya masimong ho kga poone.Ho ne ho kgutsitse masimong. Ho ne ho se ditshwene kapa dinonyana.Nkgono a nahana, “Nomusa o etsa mosebetsi o motle.”

Nkgono a hweletsa, “Nomusa! Nomusa! O ho kae na?”Ho ne ho se karabo.Yaba o bona setshosa mahareng a masimo se apare diaparo tsa Nomusa.

Ha nkgono a elellwa seo Nomua a se entseng, a ba motlotlo ka setloholo sa hae.A nahana, “Bona ke bohlale. Setloholo ha se a tshwanela ho ba masimong le ho lelekisa ditshwene le dinonyana.”

Batho bohle motseng ba rata kelello ya Nomusa. Ba qala ho sebedisa ditshosa masimong a bona.Setshosa sa tebela ditshwene le dinonyana masimong.Yaba bana kaofeela motseng ba kgona ho ya sekolong.