Kokwana Mapula a langute nhulu ya tikhavichi kusuhi na rivanti ra le mahlweni. U tirhile hi matimba ku hlayisa xirhapa xa yena.Sweswi a ku ri nkarhi wo va a xavisa ntshovelo wa yena emakete.“Ndzi ta lava ku pfuniwa ku hlayela na ku hoax tikhavichi leti,” ku ehleketa Kokwana.

Jabu, Dineo, na Dimpho a va hundza hi le ka yindlu ya Kokwana loko a ha yimile enyangweni. A tsakile ku va vona.“Ndzi kombela mi ta ndzi pfuna ku hoxa ntshovelo wa mina emabokisini lama,” a kombela vana.A swi tiva leswaku va tlharihile no rhandza ku pfuna.

Vana va bula leswaku va fanele ku paka njhani tikhavichi.“A hi hlayeleni no paka tikhavichi hi mitlawa yimbirhi,” ku vula Dineo.“A hi hlayeleni no hoxa tikhavichi hi mitlawa ya mune,” ku vula Jabu.“A hi hlayeleni no hoxa makhavichi hi mitlawa yinharhu,” ku vula Dimpho.

Vana va bohe leswaku loko va hlayela tikhavichi hi munemune swi ta hatlisa ku hoxa emabokisini.“Tikhavichi ta khumembirhi ta ringana eka bokisi rin’we,” ku vula Dineo.“Hi swona, u hatlisile!” ku n’wayitela Kokwana. “Sweswi Ttn Jones u ta teka tikhavichi a ti yisa emakete.”

“Khavichi yin’we yi ta va mali muni?” ku vutisa Dineo.“Ndza swi tiva u nga kota ku hlayela. Bokisi rin’we i R60,” ku vula Kokwana.“Loko bokisi ri vitana R60, ku ri na tikhavichi ta khumembirhi endzeni, hi ava makumetsevu hi khumembirhi,” ku vula Dineo.

“Ndza swi tiva!” ku vula Jabu. Khavichi yin’we yi vitana R5.”Dimpho a hlamula, “Hi swona!” Vapfuni va Kokwana va hoxa tikhavichi hinkwato.Ttn Jones a tsakile hikuva a nga vangi na ntirho wo tala. “Ndzi ta tiyisisa leswaku makhavichi hinkwamo ma xavisiwa emakele,” a vula.

Vana va tshama ehansi ka murhi ku wisa. Va vona Kokwana a tumbeta xokarhi eka epironi.“I ncini xexo?” ku vutisa Dineo.“I nchumu wo mi khensa hi wona eka ku tikarhata ka n’wina. Kambe mi fanele ku avelana ku ringana,” ku vula Kokwana.

Vana va huwelela hi ku tsaka. Kokwana Mapula a va nyika nhulu ya maapula mo tsokombela.“Ma vonaka ma nandziha,” ku vula Dineo a karhi a tinantswa milomo.“Hinkwawo maapula lama i ma hina?” ku vutisa Dimpho hi ku hlamala. “Ina, tsundzuka leswaku mi fanele ku avelana mo ringana.

“A hi hlayeleni maapula,” ku ringanyeta Dimpho.Va hlayerile mapula hi mitlawa yi mbirhi.“Ku na mitlawa ya nhungu ya maapula mambirhi, na rin’we ra ntlhandlekelo. Loko ma helerile i maapula ya khumenkombo,” ku vula Dimpho.“Kutani ke, hi fanele hi ava maapula ma khumenkombo eka hina vanharhu,” ku vula Jabu.

Vana va hleyelanile ntlhanu wa maapula hi munhu, ivi ku sala maapula mambirhi.Va nga tivi leswaku va nga avelana njhani lamambirhi ya nga sala.“A hi tsemeni maapula mambirhi lama nga sala hi le xikarhi,” ku vula Dimpho.“Hi fanele ku ma tsema hi tikotara,” ku vula Jabu.

“Kambe swi nge koteki leswaku hi ri vanharhu hi tsemelana tihafu kumbe tikota,” ku gungula Dineo.“A hi nyikeni Kokwana na Ttn Jones maapula lama nga sala,” ku ringanyeta Dineo.“Ina, hikuva Kokwana u byarile tichavichi,” ku pfumela Jabu.“Ttn Jones hi yena a nga yisa ntshovelo emakete,” ku engetela Dimpho.

Ttn Jones u vuyile hi le makete endzhaku ko xavisa tikhavichi hinkwawo.Dimpho a nyika Kokwana Mapula na Ttn Jones maapula lama saleke.Vapfuni vo tlhariha a va tinyungubyisa.Va tirhisile leswi va swi dyondzeke exikolweni ku pfuna Kokwana na ku avelana ku ringana.