Makhulu Mapula vho sedza khavhishi dzavho nnzhinnzhi dzi re muṋangoni. Vho shuma vhukuma u ṱhogomela ngade yavho.Zwino ndi tshifhinga tsha uri vha rengise zwiliṅwa zwavho makete.“Ndi fanela u wana thuso ya u vhala na u paka hedzi khavhishi,” Makhulu vha tshi humbula.

Jabu, Dineo na Dimpho vha fhira tsini na muḓi wa Makhulu vha tshee vho ima muṋangoni. Vha takala vhukuma musi vha tshi vha vhona.Vha vha humbela vha ri, “Ndi khou humbela uri ni ḓe ni nthuse u paka zwiliṅwa zwanga kha haya mabogisi.”

Vhana vha ambedzana nga nḓila ine vha ḓo paka ngayo khavhishi.Dineo a ri, “Kha ri vhale na u paka khavhishi nga mbili.” Jabu a ri, “Kha ri vhale na u paka khavhishi nga nṋa.”Dimpho a ri, “Kha ri vhale na u paka khavhishi nga tharu.”

Vhana vha dzhia phetho ya uri u vhala na u paka khavhishi nga nṋa ndi yone nḓila ya u ṱavhanya ya u paka mabogisi.Dineo a ri, “Hu ḓo dzhena khavhishi dza fumimbili kha bogisi.”Makhulu vha setshelela vha ri, “No shuma nga u ṱavhanya! Vho Jonas vha ḓo dzhia khavhishi vha ṱuwa nadzo makete.”

Dineo a vhudzisa, “Khavhisi nthihi ndi vhugai?”Makhulu vha ri, “Ndi a zwi ḓivha uri ni ḓo wana mutengo. Bogisi ḽithihi ndi R60.Dineo a ri, “Arali bogisi ḽithihi ḽi R60 ḽi na khavhisi dza fumimbili, ri tea u kovhekanya furathi nga fumimbili.”

Jabu a ri, “Ndi ḓivha phindulo! Khavhishi nthihi ndi R5.”Dimpho a fhindula, “Ndi yone!”Vhathusi vha Makhulu vha paka khavhishi dzoṱhe.Vho Jonas vha takala ngauri vho fhungudzelwa mushumo. Vhari, “Ndi ḓo ita vhungoho ha uri dzi a rengiwa dzoṱhe hedzi khavhishi makete.”

Vhana vha dzula fhasi ha muri uri vha awele. Vha vhona Makhulu vha tshi khou dzumba tshiṅwe tshithu kha aphuroni yavho.Dineo a vhudzisa, “Ndi mini zwenenzwi?”Makhulu vha ri, “Ndi malamba a mushumo wa vhoiwe wavhuḓi. Fhedzi ni fanela u kovhelana.”

Vhana vha huwelela nga dakalo. Makhulu Mapula vho vha fha maapuḽa a ḓifhaho.“A vhonala a a tshi ḓifhelela,” ndi Dineo a tshi muṋelela meme dza mulomo wawe.“Ndi ashu oṱhe?” Dimpho u vhudzisa o mangala.Makhulu vha ri, “Ee, fhedzi kovhelane.”

Dimpho a ri, “Kha ri vhale maapuḽa.”Vha vhala maapuḽa nga mavhili.Dimpho a ri, “Hu na zwigwada zwa malo zwa maapuḽa mavhili, ha sala ḽithihi. O ṱangana ndi a fumisumbe.”Jabu a ri, “Vhuraru hashu ri fanela u kovhelana maapuḽa a fumisumbe.”

Vhana vha vhala uri muthihi u ḓo wana maapuḽa maṱanu, nahone ha sala maapuḽa mavhili.Vho vha vha sa ḓivhi uri vha ḓo kovhelana hani eneo maapuḽa mavhili.Dimpho a ri, “Ri fanela u tshea maapuḽa mavhili vhukati.”Jabu a ri, “Ri fanela u tshea maapuḽa mavhili u ri a bve zwipiḓa zwiṋa.”

Dineo a gungula a ri, “Vhuraru hashu ri nga si kone u kovhelana zwipiḓa zwivhili kana zwiṋa.”“Kha ri fhe Makhulu na Vho Jonas maapuḽa o salaho!” a tshi humbula.“Ee, ngauri makhulu vho zwala khavhishi,” Jabu a tshi tenda.Dimpho a engedza “Vho Jonas na vhone vho ya vha rengisa khavhishi makete.”

Vho Jonas vho vhuya vho rengisa khavhishi dzoṱhe makete.Dimpho a fha Makhulu Mapula na Vho Jonas maapuḽa mavhili o salaho.Vhathusi vho thanyaho vho ḓirwa khana.Vho shumisa zwe vha zwi guda tshikoloni u thusa Makhulu na u kovhelana.