Nkgono Mapula a sheba qubu ya dikhabetjhe pela monyako wa hae o ka pele. O sebeditse ka thata ho hlokomela tshimo ya hae.Jwale ke nako ya ho rekisa seo a se kotutseng mmarakeng.“Ke tla hloka thuso ya ho bala le ho pakela dikhabetjhe tsena,” ho nahana ngkono.

Jabu, Dineo le Dimpho ba feta pela ntlo ya nkgono ha a ntse a eme monyako. A thaba ha a ba bona.“Tlong hle le nthuse ho pakela kotulo yaka ka mabokoseng,” nkgono o kopa bana.O ne a tseba hore ba bohlale ebile ba rata ho thusa.

Bana ba buisana ka moralo wa ho pakela dikhabetje.“Ha re baleng le ho paka dikhabetjhe ka dihlopha tsa bobedi,” ho rialo Dineo.“Ha re baleng le ho paka dikhabetjhe ka dihlopha tsa bone,” ho rialo Jabu.“Ha re baleng le ho paka dikhabetjhe ka dihlopha tse tharo,” ho bua Dimpho.

Bana ba elellwa hore ho bala dikhabetjhe ka dihlopha tsa bone ke mokgwa o phakisang wa ho di pakela mabokoseng.“Dikhabetjhe tse leshome le metso e mebedi di fella hantle ka lebokosong le le leng,” ho bua Dineo.“Le sebeditse hantle ka potlako!” ho rialo nkgono a bososela.“Jwale ntate Jonasa a ka isa dikhabetjhe mmarakeng.”

“Khabetjhe e le nngwe e tla ba bokae?” ho botsa Dineo.“Ke a tseba le ka kgona ho e bala.Lebokoso le le leng ke R60,” ho rialo nkgono.“Ha lebokoso le ja R60, dikhabetjhe di le 12 ka lebokosong, re lokela ho arola tshelela ka leshome le metso e mebedi,” ke Dineo yeo.

“Ke a tseba!” ho rialo Jabu. “Khabetjhe e le nngwe e tla ba R5.”“O nepile!” ho araba Dimpho.Bathusi ba nkgono ba pakela dikhabethe kaofela.Ntate Jonas o ne a thabile hobane mosebetsi wa hae o ne o se ole bobebe. “Ke tla etsa bonnete ba hore dikhabetjhe tsohle dia rekwa mmarakeng,” ho rialo ntate Jonas.

Bana ba dula tlasa sefate ba phomola. Ba bona nkgono a patile ho hong foresekotong.“Ke eng hoo?” ho botsa Dineo.“Ke teboho ya ka ho lona ka mosebetsi o matla oo leo entseng. Feela le tla e arolelane ka ho lekana,” ho rialo nkgono.

Bana ba hweletsa ka thabo. Nkgono Mapula o ba file hopo ya diapole tse tswekere.“Dishebahala di le monate,” ho rialo Dineo a se a itatswa molomo.“Na diapole tseo ke tsa rona kaofela?” ho botsa Dimpho a maketse.“Ee, feela le tla di arolelana ka ho lekana!” ho bua nkgono.

“Ha re baleng diapole,” ho sisinya Dimpho.Ba bala diapole ka dihlopha tsa bobedi.“Ke dihlopha tse robedi tsa diapole tse pedi, mme ho sala apole e lenngwe. Kaofela ke diapole tse leshome le metso e supileng,” ho rialo Dimpho.“Re lokela ho arola diapole tse leshome le metso e supileng pakeng tsa rona re le bararo,” ke Jabu yeo.

Bana ba bala diapole tse hlano motho ka mong, mme ha sala tse pedi.Ba ne ba tsielehile hore diapole tse pedi ba tla di arolelana jwang.“Re lokela ho seha diapole tsena ka dikotwana tse pedi tsa dihalofo,” ho rialo Dimpho.“Re lokela ho seha diapole tsena ka dikotwana tsa dikotara,” ho rialo Jabu.

“Empa boraro ba rona ha re kgone ho arolelana ka dihalofo kapa dikotara,” ho rialo Dineo a belaela.“Ha re feng nkgono le ntate Jonas diapole tse setseng,” ho sisinya Jabu.“Ee, hobane nkgono o lemme dikhabetjhe,” ho dumela Jabu.“Ntate Jonas yena o isitse dikhabetjhe mmarakeng,” Dimpho a tlatsetsa.

Ntate Jonas a kgutla mmarakeng a rekisitse dikhabetjhe kaofela.Dimpho a arola diapole tse setseng pakeng tsa nkgono Mapula le ntate Jonas.Bathusi ba bohlale ba ne ba le motlotlo.Ba sebedisitse tsebo ya dithuto tsa bona ho thusa nkgono le ho arolelana ka ho lekana.