Koko Mapula o lebeletše mokgobo wa dikhabetšhe tšeo di lego kgauswi le mojako wa gagwe wa ka pele. O šomile ka maatla go hlokomela serapana sa gagwe.Bjale e be e le nako ya go rekiša puno ya gagwe mmarakeng.“Ke nyaka thušo ka go bala le go paka dikhabetšhe tše, “Koko a nagana.

Jabu, Dineo le Dimpho ba be ba feta pele ga ntlo ya Koko ge a be a eme mojakong. O thabetše go ba bona.“Anke le tlo nthuša go paka puno ya ka ka mapokising,” a kgopela bana.O be a tseba gore ba bohlale ebile ba rata go thuša.

Bana ba ile ba boledišana gore ba tlo paka dikhabetšhe bjang.“A re di baleng, re di pake ka dihlopha tše pedi tše pedi,” gwa realo Dineo.“A re di baleng, re di pake ka dihlopha tše nne tše nne,” gwa realo Jabu.“A re di baleng, re di pake ka dihlopha tše tharo tše tharo,” gwa realo Mpho.

Bana ba ile ba tšea sephetho sa go re go bala dikhabetšhe ka dihlopha tše nne ke mokgwa wa go phakiša wa go paka mapokisi.“Dikhabetšhe tše lesomepedi di lekanela ka lepokising,” gwa bolela Dineo.“Le šomile botse le gona ka lebelo!” Koko a myemyela. “Bjale Mna Jones a ka iša dikhabetšhe mmarakeng.”

“Khabetšhe e tee ke bokae?” Dineo a botšiša.“Ke a tseba gore le tla kgona go e hlatholla. Lepikisi le tee ke R60,” Koko a realo.“Ge lepokisi le tee e le R60, gomme le na le dikhabetšhe tše lesomepedi, gona a re aroleng masometshela ka lesomepedi,” Dineo a realo.

“Ke a tseba!” Jabu a realo. “Khabetšhe e tee e tlo ba R5.”Mpho a araba, “O nepile!”Bathuši ba Koko ba paka dikhabetšhe ka moka.Mna Jonas o be a thabile gobane ga a sa na mošomo. “Ke tla netefatša gore dikhabetšhe ka moka di rekišitšwe kua mmarakeng,” a realo.

Bana ba ikhuditše ka go dula moriting wa mohlare ka serapaneng. Ba bona Koko a uta selo ka khibeng ya gagwe.“Ke eng seo?” Dineo a botšiša.“Ke tebogo ya ka go lena ka moka ka ge le šomile ka maatla go nthuša, fela le swanetše go abelana ka go lekana,” Koko a realo.

Bana ba hlaba lešata ka Lethabo le legolo. Koko Mapula o ba file mokgobo wa diapole tše dibose.“Di bonala di le bose kudu,” Dineo a bolela a itatswa melomo.“Ke tša rena diapole tše?” Dimpho a botšiša a maketše.“Ee, gopolang gore le swanetše go di abelana ka go lekana!” Koko a realo.

“A re baleng diapole,” gwa šišinya Dimpho.Ba bala diapole ka dihlopha tše pedi.“Go na le dihlopha tše seswai tša diapole tše pedi tše pedi, le apole e tee. Ka moka ke tše lesomešupa,” gwa bolela Dimpho.“Bjale re swanetše go abelana diapole tše lesomešupa magareng ga rena ba bararo, gwa realo Jabu.

Bana ba ile ba bala diapole tše hlano tše hlano, gomme gwa šala tše pedi.Ba ile ba šala ba gakanegile gore ba tlo abelana bjang tše pedi tšeo.Re swanetše go sega diapole tše pedi re dire diripa tše pedi,” gwa realo Dimpho.“Re swanetše go sega diapole tše pedi re dire dikotara,” gwa realo Jabu.

“Fela rena ba bararo re ka se kgone go abelana diripa tša dikotara,” gwa ngongorega Dineo.“A re neeleng Koko le Mna Jones diapole tše di šetšego!” a šišinya. “Ee ka gore Koko o bjetše dikhabetšhe,” Jabu a dumela.“Le Mna Jones o išitše puno mmarakeng,” Dimpho a tlaleletša.

Mna Jones a boa mmarakeng morago ga go rekiša dikhabetšhe ka moka.Dimpho a abela Koko Mapula le Mna Jones diapole tša go šala.Bathuši ba bohlale ba be ba ikgantšha ka mošomo wa bona.Ba šomišitše tsebo yeo ba ithutilego sekolong go thuša Koko le go abelana ka go lekana.