Document

Asnath Mahapa, u hahela ehenhla

Sara Lekganyane

Khanyisa Masemola

——

Rhandzu u burisana na Kaputeni Asnath Mahapa hi ku yimela magazini ya xikolo xa yena.

U tsakile ku hlangana na muhahisi wo sungula wa wantima wa xisati eAfrika-Dzonga.

“Xewani, Kaputeni Mahapa! Wa amukeriwa eka mbhurisano wa hina,” a vula.

“Xewani naswona ndza khensa. Ndzi kombela u ndzi vitana Asnath,” ku vula Asnath.

“Ndzi kombela u ndzi byela hi makulelo ya wena,” ku vutisa Rhandzu.

Asnath a hlamula, “Ndzi tswariwile hi 1979, exifundzeni xa Limpopo eAfrika-Dzonga.

Laha ndzi nga kulela kona aku ri hava mati etipompini kumbe gezi. A hi hlaya hi ku tirhisa khandhlele.

“Xana u sungule rini ku va na ku tsakela ku hahisa swihahampfhuka?” ku vutisa Rhandzu.

“Loko ndzi ri na malembe ya 13 loko ndza ha ri exikolweni laha a ndzi tshama kona.

Ndzi sungule ku hlaya timagazini ta vuhahisi.

Hilaha swi nga sungula hakona,” ku tsundzuka Asnath.

“Xana rirhandzu ra ku hahisa ri sungule rini ku kula?” ku vutisa Rhandzu a ri karhi a tsala ehansi.

“A ndzi tshamela ro hlamala hi vukulu, matikelo ya swihahampfhuka ku ri swi famba njhani emoyeni!

A ndzi lava ku tiva swo tala hi mahahelo ma swona,” ku vula Asnath.