Lilanga Lemagugu
Ndivhuho Mutsila
Thulisile Shongwe
Siswati
Longer paragraphs

——


ENingizimu Afrika, Lilanga Lemagugu liholide lesive leliba khona ngemhlaka 24 Inyoni.
-
Lencwadzi imayelana neLilanga Lemagugu. Utawufundza ngalelilanga, nekutsi yini lelenta libe mcoka eNingizimu Afrika.
1
Bonkhe bantfu banemvelaphi yabo. Imvelaphi yetfu iyincenye yemagugu etfu.
-
Bantfu baseNingizimu Afrika bagubha umkhosi wemvelaphi yabo leyehlukehlukene ngekutsi bahlangane ngalelilanga njengemindeni, imimango, kanye nesive.
-
ENingizimu Afrika sinemasiko langafani siphindze futsi sibe nalafanako.
2
Wonkhe umuntfu waseNingizimu Afrika uneligugu latigcabhako ngalo!
-
Emagugu aseNingizimu Afrika anemibala leminyenti nalemihle.
-
Emasiko etfu anekudla netinatfo letingafani, imvunulo, tingoma kanye nendlela yekugidza.
3
Emasiko etfu langafani anetinkholo letehlukene, imisimeto, kanye nemindeni lengafani.
-
Bantfu baseNingizimu Afrika bakhuluma tilwimi letinyenti letingafani. Live linetilwimi leti-11 letisemtsetfweni.
-
Lilanga Lemagugu Ngetilwimi taseNingizimu Afrika Letisemtsetfweni:
4
Ilanga lamaGugu (isiNdebele)
-
Usuku lwezaMafa (isiXhosa)
-
Usuku lwamagugu (isiZulu)
-
Letšatši la Bohwa (Sepedi)
-
Letsatsi la Botjhaba (Sesotho)
-
Letsatsi la Ngwaoboswa (Setswana)
-
Ḓuvha ḽa Vhufa (Tshivenḓa)
-
Siku ra Ndzhaka (Xitsonga)
-
Erfenisdag (Afrikaans)
-
Heritage Day (English)
5
Ngesikhatsi selubandlululo, umhlaka 24 Inyoni bewatiwa ngekutsi yi-Shaka Day.
-
Ngemuva kwelubandlululo, iphalamende yashintja i-Shaka Day yaba Lilanga Lemagugu. Yalenta laba lilanga lemkhosi lotawugujwa ngibo bonkhe bantfu baseNingizimu Afrika.
-
Sigubha umkhosi wemagugu etfu langafani nalawo lafanako.
6
UMtsetfosisekelo waseNingizimu Afrika unemitsetfo lemcoka lesicondzisako. Ucuketse imitsetfo lesekela iphindze ivikele emalungelo etfu.
-
UMtsetfosisekelo utsi sonkhe siyalingana.
-
Kute umuntfu lobaluleke kwengca lomunye umuntfu!
7
UMtsetfosisekelo utsi bantfu akukafaneli babandlululane.
-
Kufanele siphatsane ngenhlonipho.
-
Bonkhe bantfu banemalungelo lafanako. Sonkhe sinemalungelo elulwimi, enkholo, kanye newemasiko.
8
NgeLilanga Lemagugu, bantfu baseNingizimu Afrika bajabulela kuhlabelela tingoma temdzabu nekwenta imidanso yemdzabu.
-
Siphindze sijabulele nekupheka kudla kwetfu kwemdzabu.
-
Labanye bahlonipha bokhokho babo ngekuhlabelela tingoma tekubadvumisa. Labanye bavakashela emathuna abokhokho babo.
9
Bantfu bagcoka timphahla letimibalabala naletigcamile. Bembatsa i-miṅwenda, seshoeshoe, swibhelane, kanye naletinye letinyenti.
-
Bantfu baseNingizimu Afrika nabagubha umkhosi weLilanga Lemagugu, baphindze bagubhe netimphawu tesive.
-
Timphawu tesive tilwane kanye netitjalo letiyincenye yemagugu etfu.
10
Nati Timphawu Tesive saseNingizimu Afrika:
-
Libhokobhoko inyamatane yesive.
-
Indvwe inyoni yesive.
-
Umkhoba sihlahla sesive.
-
Sidlungu yimbali yesive.
-
Galjoen yinhlanti yesive.
11
Tikolwa tigubha umkhosi weLilanga Lemagugu ngaphambi kwekutsi kufike liholide lesive lekungulonalona.
-
Bantfwana bagcoka imvunulo yabo yemdzabu bese batjela labanye ekilasini loko labakwatiko ngemagugu abo.
-
Badla kudla kwendzabuko kwalomunye nalomunye, bese bagidza imidanso yemdzabu.
12
Kugujwa kwemikhosi yeLilanga Lemagugu laseNingizimu Afrika kufanele kwentiwe ngekuvana!
-
Bantfwana base-Afrika labatigcabhako batsi:
-
NginguNamunya. Ngigcoke sishuka.
-
Ngingu-Adilah. Ngigcoke ikaftan.
-
Ngingu-Isoka. Ngigcoke igele.
-
NginguSipho. Ngigcoke emajobo.
13

——Imibuto


  1. Ligujwa nini Lilanga Lemagugu futsi yini leyenta kutsi ligujwe?
  2. Shano timphawu letine tesive saseNingizimu Afrika.
  3. Bhala Lilanga Lemagugu ngaletinye tilwimi letimbili ngaphandle kwelulwimi lwakho.
14

——Tincwadzi letikulolu chungechunge


  • Lilanga Lekubuyisana
  • Lilanga Lenkhululeko
  • Lilanga Lemagugu
  • Lilanga Lemalungelo Eluntfu
  • Lilanga Labomake
  • Lilanga Letisebenti
  • Lilanga Lalabasha
15

——


Lencwadzi yetidzaba icanjwe yaphindze yabhalwa ngesiVenda, njengencenye yephrojekthi yetintfo tekufundza te-Zenex Ulwazi Lwethu ya-2020.
16
Attribution CC BY
Your attribution should include the following:
Title: Lilanga Lemagugu
Author/s: Ndivhuho Mutsila
Translator/s: Simangele Khoza
Illustrator/s: Thulisile Shongwe
Assurer/s: Mduduzi Benjie Shongwe
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator