Letsatsi la Ngwaoboswa
Ndivhuho Mutsila
Thulisile Shongwe
Setswana
Read aloud

——


Mo Aforika Borwa, Letsatsi la Ngwaoboswa ke letsatsi la boikhutso ka 24 Lwetse.
-
Buka e ka ga Letsatsi la Ngwaoboswa. O tlile go itse ka ga letsatsi le, le gore goreng le le botlhokwa mo Aforika Borwa.
1
Batho botlhe ba na le ditlholego. Setso sa rona ke karolo ya ngwaoboswa ya rona.
-
MaAforika Borwa a keteka ditso tse di farologaneng ka go kopana mo letsatsing le, e le malapa, merafe, mme e le setšhaba.
-
Aforika Borwa e na le dingwao tse di farologaneng mme gape re abelana dingwao.
2
MaAforika Borwa otlhe a na le ngwaoboswa e re leng motlotlo ka yone!
-
Ngwaoboswa ya Aforika Borwa e mebalabala e bile e mentle.
-
Dingwao tsa rona di na le dijo tse di farologaneng le dino, meaparo ya setso, dipina le mmino.
3
Dingwao tsa rona tse di farologaneng di na le ditumelo, meetlo, le magoro.
-
Mo Aforika Borwa batho ba bua dipuo tse dintsi tse di farologaneng. Naga e na le dipuo tsa semmuso di le 11.
4
Dipuo tsa Semmuso tsa Letsatsi la Ngwaoboswa tsa Aforika Borwa:
-
Ilanga lamaGugu (isiNdebele)
-
Usuku lwezaMafa (isiXhosa)
-
Usuku lwamagugu (isiZulu)
-
Letšatši la Bohwa (Sepedi)
-
Letsatsi la Botjhaba (Sesotho)
-
Letsatsi la Ngwaoboswa (Setswana)
-
Lilanga Lemagugu (Siswati)
-
Ḓuvha ḽa Vhufa (Tshivenḓa)
-
Siku ra Ndzhaka (Xitsonga)
-
Erfenisdag (Afrikaans)
-
Heritage Day (English)
5
Ka nako ya tlhaolele, 24 Lwetse e ne e itsege jaaka Letsatsi la Shaka.
-
Morago ga tlhaolele, palamente e ne ya fetola Letsatsi la Shaka go nna Letsatsi la Ngwaoboswa. Ba ne ba le dira letsatsi le le ketekiwang ke MaAforika Borwa otlhe.
-
Re keteka dipharologano le kabelano ya ngwaoboswa ya rona.
6
Molaotheo wa Aforika Borwa o na le melao ya botlhokwa e e re kaelang tsela. E akaretsa melao e e tshegetsang emangnokeng le go sireletsa ditshwanelo tsa rona.
-
Molaotheo wa re rotlhe re a lekana.
-
Ga go ope yo o kwa godimo ga yo mongwe!
7
Molaotheo wa re ope a se kgethololwe.
-
Re tshwanetse go tlotlana.
-
Rotlhe re na le ditshwanelo tse di tshwanang. Tsa puo, tumelo le ngwao.
8
Ka Letsatsi la Ngwaoboswa, MaAforika Borwa ba itumelela go opela dipina le go bina mmino tsa setso.
-
Re rata gape go apaya dijo tsa rona tsa setso.
-
Bangwe ba tlotla badimo ba bona ka direto. Bangwe ba etela mabitla.
9
Batho ba apara meaparo ya mebalabala e mentle. Ba apara minwenda, seshweshwe, shibelwane le tse dingwe.
-
Fa MaAforika Borwa a keteka Letsatsi la Ngwaoboswa, gape re keteka matshwao a rona a bosetšhaba.
-
Matshwao a bosetšhaba ke diphologolo le dijalo a eleng karolo ya ngwaoboswa ya rona.
10
Matshwao a bosetšhaba a Aforika Borwa ke a:
-
Tshepe ke phologolo ya bosetšhaba.
-
Ntsu ya mmala wa legodimo ke nonyane ya bosetšhaba.
-
Setlhare sa bosetšhaba ke Real Yellowwood.
-
Tšheše ya bosetšhaba ke Protea.
-
Tlhapi ya bosetšhaba ke Galjoen.
11
Dikolo di keteka Letsatsi la Ngwaoboswa pele le goroga.
-
Bana ba apara diaparo tsa bona tsa setso mme ba bolelele ba bangwe ka se ba se itseng ka ngwaoboswa ya bona.
-
Ba ja dijo tsa ba bangwe, mme ba bine mmino wa setso.
12
Keteko meletlo ya ngwaoboswa ya Aforika Borwa e tshwanetse go nna Aforika yotlhe!
-
Bana ba ba ipelang ba Aforika ba re:
-
Ke nna Namunya. Ke apere shuka.
-
Ke nna Adilah. Ke apere kaftan.
-
Ke nna Isoka. Ke apere gele.
-
Ke nna Sipho. Ke apere bheshu.
13

——Dipotso


  1. Letsatsi la Ngwaoboswa le ketekiwa leng le goreng?
  2. Neela matshwao a bosetšhaba a le mane a Aforika Borwa.
  3. Kwala ‘Ngwaoboswa’ ka dipuo di le pedi tse o sa di bueng.
14

——Dibuka tse di mo motseletseleng o


  • Letsatsi la Poelano
  • Letsatsi la Kgololosego
  • Letsatsi la Ngwaoboswa
  • Letsatsi la Ditshwanelo tsa Botho
  • Letsatsi la Basadi
  • Letsatsi la Badiri
  • Letsatsi la Bašwa
15

——


Kanelo e tlhamilwe le go kwalwa ka puo ya Tshivenḓa, jaaka karolo ya porojeke ya didirswa tsa go buisa ya Zenex Ulwazi Lwethu ya 2020.
16
Attribution CC BY
Your attribution should include the following:
Title: Letsatsi la Ngwaoboswa
Author/s: Ndivhuho Mutsila
Translator/s: Lorato Trok
Illustrator/s: Thulisile Shongwe
Assurer/s: Dineo Moatshe, Opelo Thole
Language: Setswana

© Zenex Foundation - Saide 2024

CC BY includes the following elements:
 BY   – Credit must be given to the creator