Document

Letsatsi la Botjhaba

Ndivhuho Mutsila

Thulisile Shongwe

——

Mona Afrika Borwa, Letsatsi la Botjhaba la 24 Lwetse ke letsatsi la phomolo.

Buka ena e ka ha Letsatsi la Botjhaba. O tla tseba bobatsi ka tsatsi lena le hore hobaneng le le bohlokwa mona Afrika Borwa.

Batho bohle ba na le tshimoloho, mme tshimoloho ya rona ke karolo ya botjhaba ba rona.

Batho ba Afrika Borwa ba keteka ditso tse fapaneng ka ho ba mmoho le malapa a bona le setjhaba ka kakaretso.

Afrika Borwa e na le ditso tse fapaneng hape ho na le tseo re di arolelanang.

Batho bohle mona Afrika Borwa ba na le botjhaba ba bona boo ba ikgantshang ka bona.

Botjhaba ba Afrika Borwa bo botle bo mebalabala.

Ditso tsa rona di fapana ka dijo, dino, moaparo, dipina le metjeko.

Meetlo ya rona e fapana ka tsa bodumedi, ditwaelo le meloko.

Batho ba Afrika Borwa ba bua dipuo tse fapaneng. Naha ena e na le dipuo tsa semmuso ke tse leshome le motso o le mong.

Dipuo tsa semmuso mona Afrka Borwa tsa Letsatsi la Botjhaba ke tse latelang:

Ilanga lamaGugu (isiNdebele)

Usuku lwezaMafa (isiXhosa)

Usuku lwamagugu (isiZulu)

Letšatši la Bohwa (Sepedi)

Letsatsi la Ngwaoboswa (Setswana)

Lilanga Lemagugu (Siswati)

Ḓuvha ḽa Vhufa (Tshivenḓa)

Siku ra Ndzhaka (Xitsonga)

Erfenisdag (Afrikaans)

Heritage Day (English)

Ka nako ya kgethollo ya mmala, letsatsi la 24 Lwetse le ne le tsejwa e le Shaka Day.

Kamora kgethollo ya mmala, palamente ya fetolela Shaka Day ho Letsatsi la Botjhaba. Ya eba letsatsi le ketekwang ke batho bohle Afrika Borwa.

Re keteka botjhaba ba rona ka ho fapana le boo re bo arolelanang.

Molaotheo wa Afrika Borwa o na le melao ya bohlokwa e re tataisang. O na le melao e tshehetsang le ho boloka ditokelo tsa rona.

Molaotheo o re batho bohle ba a lekana.

Ha ho na motho ya ka hodima e mong.

Molaotheo o re batho ba se ke ba kgetholla ba bang.

Re lokela ho hlomphana. Batho bohle ba na le ditokelo tse tshwanang, tsa puo, tsa bodumedi le setso.

Ka Letsatsi la Botjhaba, batho ba Afrika Borwa ba thabela ho bina dipina tsa setso le ho etsa metjeko ya setso.

Re thabela le ho pheha dijo tsa setso.

Ba bang ba tlotla badimo ba bona ka dithoko, ha ba bang ba etela badimo ba bona mabitleng.

Batho ba apara diaparo tse ntle tse mebalabala. Ba apara minwenda, seshweshwe, swibelane le tse ding tse ngata.

Ha Afrika Borwa e keteka Letsatsi la Botjhaba, re keteka le matshwao a rona a botjhaba.

Matshwao a botjhaba ke diphoofolo le dimela tseo e leng karolo ya botjhaba ba rona.

Matshwao a botjhaba a Afrika Bowa ke:

Springbok ke phoofolo ya botjhaba.

Blue Crane ke nonyana ya boetjhaba.

Yellowwood ke sefate sa botjhaba.

Protea ke palesa ya botjhaba.

Galjoen ke tlhapi ya botjhaba

Dikolo di keteka Letsatsi la Botjhaba pele ho letsatsi la phomolo la 24 Lwetse.

Bana ba apara diaparo tsa bona tsa setso ebe ba bolella ba bang seo ba se tsebang ka botjhaba ba bona.

Ba latswa dijo tsa setso tsa ba bang mme ba etse metjeko ya setso.

Mekete ya botjhaba ya mona Afrika Borwa e lokela ho kenyeletsa MaAfrika a mang ka bophara.

Bana ba Afrika ba motlotlo ho re:

Ke nna Namunya, ke apere shuka.

Ke nna Adilah, ke apere kaftan.

Nna ke Isoka. Ke apere gele.

Nna ke Sipho. Ke apere bheshu.

——Dipotso

Letsatsi la Botjhaba le ketekwa neng? Hobaneng le ketekwa?
Bolela matshwao a mane a botjhaba a Afrika Borwa.
Ngola ‘Letsatsi la Botjhaba’ ka puo tse ding tse pedi ntle le ya hao.

——Lenane la dibuka tse letotong lena

Letsatsi la Polelano
Letsatsi la Tokoloho
Letsatsi la Botjhaba
Letsatsi la Ditokelo tsa Botho
Letsatsi la bomme
Letsatsi la Basebetsi
Letsati la Batjha

——

Buka ena e qapuwe le ho ngolwa ka puo ya Tshivenḓa jwaloka karolo ya porojeke ya 2020 ya Zenex Ulwazi Lwethu ya dibuka tse balwang.

Your attribution should include the following:
Title: Letsatsi la Botjhaba
Author/s: Ndivhuho Mutsila
Translator/s: Maria Vaz
Illustrator/s: Thulisile Shongwe
Assurer/s: Nthabiseng Tsatsi, Mathapelo Morake
Language: Sesotho (South Africa)

© Zenex Foundation - Saide 2024

CC BY includes the following elements:
BY

– Credit must be given to the creator