Letšatši la Bohwa
Ndivhuho Mutsila
Thulisile Shongwe
Sepedi
Read aloud

——


Letšatši la Bohwa mo Afrika Borwa ke letšatši la boikhutšo ka la 24 Lewedi.
-
Kanegelo ye e bolela ka Letšatši la Bohwa. O tlo botšwa ka lona le go re ke ka lebaka la eng e le letšatši le bohlokwa mo Afrika Borwa.
1
Batho ka moka ba na le botšo. Botšo bja rena ke karolo ya bohwa bja rena.
-
Maafrika Borwa ba keteka botšo bja go fapafapana ka go kgobokana ka lona letšatši le bjalo ka meloko, ditšhaba le naga.
-
Afrika Borwa e na le mehuta ya go fapana ya ditšo.
2
Ka moka ga rena mo Afrika Borwa re na le bohwa bjoo re ikgantšhago ka bjona.
-
Bohwa bja Afrika Borwa bo kgabile ka mebalabala.
-
Ditšo tša rena di na le dijo le dino tša go fapafapana, meaparo ya setšo, dikoša le mmino.
3
Ditšo tša rena tša go fapafapana di na le mehutahuta ya ditumelo, ditlwaelo le meeno.
-
Batho ba Afrika Borwa ba bolela maleme a go fapafapana. Go na le maleme a semmušo a 11.
-
Letšatši la Bohwa ka Maleme a Semmušo a Afrika Borwa?
4
Ilanga lamaGugu (isiNdebele)
-
Usuku lwezaMafa (isiXhosa)
-
Usuku lwamagugu (isiZulu)
-
Letsatsi la Botjhaba (Sesotho)
-
Letsatsi la Ngwaoboswa (Setswana)
-
Lilanga Lemagugu (Siswati)
-
Ḓuvha ḽa Vhufa (Tshivenḓa)
-
Siku ra Ndzhaka (Xitsonga)
-
Erfenisdag (Afrikaans)
-
Heritage Day (English)
5
Ka nako ya kgethologanyo ya merafe, 24 Lewedi e be e tsebega bjale ka Letšatši la Shaka.
-
Ka morago ga nako ya kgethologanyo ya merafe, palamente e ile ya fetoša Letšatši la Shaka gomme la bitšwa go re ke Letšatši la Bohwa. E ile ya ba letšatši leo Maafrika Borwa ka moka ba ketekago ka lona.
-
Re keteka go fapafapana ga bohwa bja rena.
6
Molaotheo wa Afrika Borwa o na le melao ye bohlokwa yeo e re hlahlago. O na le melao yeo e thekgago le go šireletša ditokelo tša rena.
-
Molaotheo o re, bohle re a lekana.
-
Ga go na motho yoo a fetago yo mongwe pele ga molao!
7
Molaotheo o re batho ba se ke ba kgethollana.
-
Re swanetše go hlomphana.
-
Motho yo mongwe le yo mongwe o na le ditokelo tša go lekana. Ka moka re na le ditokelo tša polelo, tumelo le setšo.
8
Ka Letšatši la Bohwa, Maafrika Borwa ba ipshina ka go opela dikoša tša setšo le go bina mmino wa setšo.
-
Re ipshina gape le ka go apea dijo tša rena tša setšo.
-
Ba bangwe ba tumiša badimo ba bona ka diretokošana. Ba bangwe ba etela mabitla a badimo ba bona.
9
Batho ba apara meaparo ya mebalabala. Ba apara dinyebelese, miṅwenda, seshoeshoe, dibhelane le tše dingwe tše dintši.
-
Ge Maafrika Borwa ba keteka Letšatši la Bohwa, re keteka gape le maswao a bosetšhaba.
-
Maswao a bosetšhaba ke diphoofolo le dibjalo tšeo e lego karolo ya bohwa bja rena.
10
Maswao a bosetšhaba a Afrika Borwa ke a: Tshephe ke phoofolo ya bosetšhaba. Tlhame ke nonyana ya bosetšhaba.
-
Real Yellowwood ke mohlare wa bosetšhaba. Protea ke letšoba la bosetšhaba.
-
Galjoen ke hlapi ya bosetšhaba.
11
Dikolo di keteka meletlo ya Letšatši la Bohwa pele ga nako.
-
Bana ba apara diaparo tša bona tša setšo le go anegelana tšeo ba di tsebago ka bohwa bja bona.
-
Ba iša pele ka go kwa tatso ya dijo tša ditšo tša ba bangwe le go bina mmino wa setšo.
12
Meletlo ya go keteka bohwa ya Afrika Borwa e swanetše go ketekwa Afrika ka bophara.
-
Bana ba Afrika ba go ikgantšha ka segagabo bona ba re:
-
Ke nna Namunya. Ke apere shuka.
-
Ke nna Adilah. Ke apere kaftan.
-
Ke nna Isoka. Ke apere gele.
-
Ke nna Sipho. Ke apere bheshu.
13

——Dipotšišo


  1. Na Letšatši la Bohwa le ketekwa neng?
  2. Efa maina a mane a maswao a bosetšhaba a Afrika Borwa.
  3. Ngwala leina la ‘Letšatši la Bohwa’ ka maleme a mabedi e sego ka leleme la geno.
14

——Dipuku tšeo di lego mo tlhahlamanong ye


  • Letšatši la Poelano
  • Letšatši la Tokologo
  • Letšatši la Bohwa
  • Letšatši la Ditokelo tša Botho
  • Letšatši la Basadi
  • Letšatši la Bašomi
  • Letšatši la Bafsa
15

——


Kanegelo ye e hlamilwe le go ngwalwa ka Tshivenḓa e le karolo ya projeke ya Zenex Ulwazi Lwethu ya 2020 ya dipuku tša go bala.
16
Attribution CC BY
Your attribution should include the following:
Title: Letšatši la Bohwa
Author/s: Ndivhuho Mutsila
Translator/s: Dikeledi Queen Shai
Illustrator/s: Thulisile Shongwe
Assurer/s: Connie Makgabo
Language: Sepedi

© Zenex Foundation - Saide 2024

CC BY includes the following elements:
 BY   – Credit must be given to the creator