Ilanga lamaGugu
Ndivhuho Mutsila
Thulisile Shongwe
isiNdebele
Longer paragraphs

——


ESewula Afrika, iLanga lamaGugu lilanga leholideyi yomphakathi eba ngomhlaka-24 kuKhukhulamungu.
-
Incwadi le ikhuluma ngeLanga lamaGugu. Uzakwazi ngelanga leli, nokobana kubayini liqakathekile eSewula Afrika.
1
Boke abantu banevelaphi yabo. Ivelaphi yethu iyingcenye yamagugu wethu.
-
AmaSewula Afrika agidinga iimvelaphi ezihlukahlukeneko ngokubumbana babe boke ngelangeli njengemindeni, imiphakathi, begodu nesitjhaba.
-
ISewula Afrika inamasiko ahlukahlukeneko begodu soke sabelana ngamasiko.
2
Omunye nomunye umuntu omSewula Afrika unamagugu azikhakhazisa ngawo!
-
Amagugu weSewula Afrika anemibalabala begodu mahle.
-
Amasiko wethu anokudla okuhlukahlukeneko, iinselo, iimvunulo, iingoma kanye neendlela zokugida.
3
Amasiko wethu ahlukahlukeneko aneenkolo, imikhuba kanye neenqhema ezihlukahlukeneko.
-
Abantu eSewula Afrika bakhuluma amalimi amanengi ahlukahlukeneko. Inarha le inamalimi ali-12 asemthethweni.
-
AmaLimi asemThethweni weLanga lamaGugu eSewula Afrika:
-
Usuku lwaMafa (isiXhosa)
-
Usuku lwamagugu (isiZulu)
4
Letšatši la Bohwa (Sepedi)
-
Letsatsi la Botjhaba (Sesotho)
-
Letsatsi la Ngwaoboswa (Setswana)
-
Lilanga Lemagugu (Siswati)
-
Ḓuvha ḽa Vhufa (Tshivenḓa)
-
Siku ra Ndzhaka (Xitsonga)
-
Erfenisdag (Afrikaans)
-
Heritage Day (English)
5
Ngesikhathi sebandlululo, ilanga langomhlaka-24 kuKhukhulamungu belaziwa njengeLanga likaShaka.
-
Ngemuva kwebandlululo, ipalamende yatjhugulula iLanga likaShaka yalenza iLanga lamaGugu. Balenza ilanga lawo woke amaSewula Afrika ukobana agidinge.
-
Sigidinga ukuhlukahlukana kwethu namagugu wethu esabelana ngawo.
6
UmThethosisekelo weSewula Afrika unemithetho eqakathekileko esiyelelisako. Umumethe imithetho esisekelako nevikela amalungelo wethu.
-
UmThethosisekelo uthi soke siyalingana.
-
Akekho umuntu ongaphezulu komunye umuntu.
7
UmThethosisekelo uthi abantu bangabandlululani. Kufanele siphathane ngehlonipho.
-
Woke umuntu unelungelo elifanako. Soke sinelimi, sinekolo kanye namalungelo wobuntu.
8
Ngelanga lamaGugu, amaSewula Afrika athabela ukuvuma nokugida ngendlela yendabuko yabo.
-
Okhunye godu sithabela nokupheka ukudla kwethu kwesintu.
-
Abanye bahlonipha abezimu babo, ngokuvuma iingoma. Abanye bavakatjhela amathuna wabobamkhulu babo.
9
Abantu bambatha iimvunulo ezinemibalabala nezihle. Bambatha amarhabi, imitjeka nezambatho zesitjhwetjhwe, isibhelani nezinye godu ezinengi.
-
Lokha amaSewula Afrika nakagidinga iLanga lamaGugu, nathi sigidinga ilanga lamatshwayo wenarha.
-
Amatshwayo wenarha ziinlwana neentjalo eziyingcenye yamagugu wethu.
10
Naka amatshwayo welizwe loke weSewula Afrika:
-
Itsephe isilwana selizwe.
-
I-Crane ehlaza sasibhakabhaka iyinyoni yelizwe
-
Iyelowudi imumuthi welizwe.
-
Isiqalaba silithuthumbo lelizwe.
-
Igaliyoni iyihlambi yelizwe.
11
Iinkolo ziba nemigidingo yeLanga lamaGugu ngaphambidlana kobana kufike ilanga leholideyi yomphakathi.
-
Abantwana bambatha iimvunulo zabo zesikhethu bese batjela abanye ngetlasini bona bazini ngamagugu wabo.
-
Bezwa ukudla kwesintu okuphekwe ngabanye, bazama ukugida ngendlela abanye abagida ngakhona ngokwesiko labo.
12
Imigidingo yamagugu eSewula Afrika kufanele yenziwe ngokwesiko le-Afrika!
-
Abantwana abazikhakhazisa ngelanga le-Afrika bathi: NginguNamunya. Ngembethe ishuka.
-
Ngingu-Adilah. Ngembethe ikaftan.
-
Ngingu-Isoka. Ngembethe igele.
-
NginguSipho. Ngembethe ibhetjha.
13

——Imibuzo


  1. Linini begodu kubayini ligidingwa iLanga lamaGugu?
  2. Itjho amatshwayo amane weSewula Afrika welizwe loke.
  3. Tlola amabizo ‘weLanga lamaGugu’ ngamalimi amabili angasiwo wakho.
  4. Khulumani nganyana ngimaphi amalungelo asekelwa navikelwa mThethosisekelo weSewula Afrika.
  5. Ngiziphi iindlela ezihlukileko amaSewula Afrika agidinga ngazo iLanga lamaGugu?
  6. Thola ilwazi ngeendawo ezihlanu zamagugu ezitholakala eSewula Afrika.
  7. Khuyini okuzwisisako ‘ngelimi elisemthethweni’? Thola nanyana ngimaphi amalimi amahlanu akhulunywa eSewula Afrika angasihlangana nalawo ali-12 asemthethweni.
  8. Ucabanga bona kufanele kube nelimi linye elisemthethweni e-Afrika yoke? Hlathulula.
14

——Iincwadi eziselungelungeni leli


  • Ilanga lokuBuyisana
  • Ilanga leKululeko
  • Ilanga lamaGugu
  • Ilanga lamaLungelo wobuNtu
  • Ilanga laboMma
  • Ilanga labaSebenzi
  • Ilanga leluTjha

15

——


Indatjana le yatlhanywa begodu yatlolwa ngelimi le Tshivenḓa, njengengcenye yephrojekthi yeZenex Ulwazi Lwethu ye-2020 yeencwadi ezingafundwa.
16
Attribution CC BY
Your attribution should include the following:
Title: Ilanga lamaGugu
Author/s: Ndivhuho Mutsila
Translator/s: Sponono Mahlangu
Illustrator/s: Thulisile Shongwe
Assurer/s: William Jiyana
Language: isiNdebele

© Zenex Foundation - Saide 2025

CC BY includes the following elements:
 BY   – Credit must be given to the creator