Loko Mmakgabo a kula, kokwanaxisati wa yena u n’wi dyondzisile ku vatla swivatliwa swa ndhavuko.Mmakgabo u dyondzile ku tirha hi vumba ku tumbuluxa swilo, na ku sindza hi ku tirhisa vulongo. U dyondzile ku vumba na ku rhunga vuhlalu.

Nakambe, kokwani Metato u dyondzisile Mmakgabo ku rhunga na ku kandziyisela.Mmakgabo a huma emutini wa vusweti. A a fanele kuya lava ntirho a ri na malembe ya 16. U yile eJoni laha a sunguleke ku tirha tani hi mupfuni wa le makaya.

Siku rin’wana, Mmakgabo u tsakisiwile hi vutshila lebyi endliweke hi muthori wa yena. Muthori wa yena u n’wi xaverile xipendiwa xo sungula xa oyili.Mmakgabo u sungurile ku penda hi yexe.Muthori wa yena u hlamarisiwile hi nyiko ya yena kutani a n’wi hlohlotela leswaku a titsarisela ku dyondza vutshila.

Mmakgabo u lemukile leswaku u fanele ku kuma vuleteri bya ximfumo.U titsariserile eka dyondzo ya vutshila eWhite Studio eSophiatown.Mudyondzisi a ri wa vutshila, vito ra yena a ku ri Keonakeefe Mohl. U vile muleteri na mupfuni wa yena.

Mmakgabo a rhandza ku dirowa swifaniso swa le Marapyane laha a kuleleke kona.A dirowa vavasati va ri karhi huma engomeni kumbe emasin’wini.A dirowa swifaniso swa vutomi bya ntolovelo swi vonaka onge i swa ntiyiso.

Mmakgabo u hlangane na un'wana wa vutshila Bill Ainstlie, loyi a n’wi hlohloteleke ku endla vutshila bya swilo.Leswi a swi hambanile na ku dirowa swifaniso swa vutomi bya le matikoxikaya.Mmakgabo u tirhile hi matimba ku titoloveta ku dirowa na ku penda.

Mmakgabo u dyondzisile vutshila eka vana eKatlehong Arts Centre.U dyondzisile votala va vutshila, a ri karhi a ya emahlweni na ku kurisa vupendi na switirhisiwa swin’wana.U kombisile swifaniso swa yena na van’wana va vutshila na ku swi xavisa.

Ntirho wa Mmakgabo wu kombisa ku tika ka vutomi eAfrika-Dzonga ematikoxikaya.U langutanile na timhaka ta vaaki na swa tipolotiki. Vutshila bya yena hi nkarhi wa mfumo wa xihlawuhlawu a wu komba ku hlupheka ka vantima.Xin’wana xa swifaniso swa ndhuma i nkatsakanyo wa swifaniso lexi thyiweke ‘Tears of Africa’ (1988).

Mmakgabo u vile na nkombiso wo sungula wa vutshila bya yena a ri yexe hi 1986.U vile wansati wo sungula eAfrika-Dzonga ku va na nkombiso wa yena a ri yexe.Nkombiso lowu wo humelela a wu ri wo kombisa swifaniso swa xivumbeko xa ntiyiso.

Mmakgabo u kumile nseketelo wa timali eka Fullbright Scholarship eAmerika ku ya dyondza.Xikolaxipi xi n’wi pfunile ku langutana na ku endla swa vutshila na ku tihluvukisa.Ntirho wa vutshila wa Mmakgabo wu kombisiwile eYuropa, eNghilandi na le Amerika.

Vupendi na vudirowi swa Mmakgabo swi andlariwile etimuziyamu na le tigalari emisaveni hinkwayo.Vutshila bya yena bya xiximeka na ku va na nkucetelo.Hikokwalaho, ku hoxa xandla ka yena eka vutshila na vuaki eAfrika-Dzonga, Mmakgabo u kumile sagwadi ra puresidente ra Order of Ikhamanga hi lembe ra 2004.

Mmakgabo u kombisile leswaku munhu a nga va leswi a lavaka ku va swona.Ku yingisela kokwanaxisati wa yena swi pfunile leswaku a humelela.Mmakgabo u ri, “Kokwanaxisati, loyi a fikiseke malembe ya 115, u ndzi dyondzisile hinkwaswo leswi ndzi swi tivaka.”