Naka naNala bakhuluma ngemoya
Ndivhuho Mutsila
Simon Mokoena
Siswati
First sentences
Naka naNala basesigangeni lesinetjani lobomile, bahleti ngaphasi kwesihlahla.
-
Nala uva emacembe anyakatiswa kancane ngumoya lohhusha kamnandzi.
1
“Lalela Naka. Uyaweva yini lamacembe?” kubuta Nala.
-
“Yebo, ngiyaweva emacembe futsi ngiyawabona anyakata,” Naka uyaphendvula.
2
“Usakhumbula kutsi yini leyenta emacembe anyakate?” kubuta Naka.
-
“Anyakatiswa kuhhusha kwemoya,” kuphendvula Nala.
-
“Yebo ngumoya,” kusho Naka.
3
“Umoya ukhona yonkhe indzawo, kepha tsine asikwati kuwubona…” Nala uyacala.
-
Naka uyamphatamisa, “Kepha siyakwati kuwabona nekuweva emacembe anyakata!”
4
Nala uyachubeka, “Asikwati kuwubona umoya, kepha siyakwati kubona nekuva umoya nawuvunguta. Loko kubitwa ngekutsi ngumoya lohhushako.” “Umoya lohhushako, ngumoya yini?!” Naka uyabuta.
5
“Yebo,” kumoyitela Nala.
-
Uyengeta, “Umoya uphindze ubambe ematfonsi emanti emafini. Nangabe asasindza kakhulu lamanti lasemafini, abese ayancibilika abe yimvula.”
6
“Asewucabange nje sekungitsi lesenyukela esibhakabhakeni ngebhaloni lenemoya loshisako. Lebhaloni ifana nematfonsi emanti, umoya ngiwo lowakhuphulela etulu,” kusho Nala.
7
“Siphindze siwuphefumule umoya,” kukhumbula Naka.
-
“Yebo, tonkhe tilwane netitjalo tidzinga umoya kute tiphile,” kusho Nala.
-
“Sonkhe siyawudzinga umoya lohlantekile,” kuvuma Naka.
8
“Njengobe nje singakhoni kuwubona umoya, wentiwe ngani?” kubuta Naka.
-
“Umoya wentiwe ngemagesi lehlukehlukene netinhlayiyane letincane telutfuli,” kuphendvula Nala.
9
“Umhlaba utungeletwe ngumoya,” kusho Nala.
-
“Umoya usitungelete yonkhe indzawo. Lomoya wasemhlabeni usuka lapha uye emkhatsini,” welula imikhono yakhe.
10

——Imibuto


  1. Lendzaba ikhuluma ngabobani?
  2. Bakuphi?
  3. Ngubani lodzinga umoya kute aphile?
  4. Wakhiwe ngani umoya?
  5. Utfolakala kuphi umoya?
  6. Yini leyenta ane ematfonsi emvula?
  7. Bhala tindlela leti-5 umoya lohhushako losetjentiswa ngato.
  8. Chaza tintfo leti-5 letibangela kungcoliswa kwemoya.
11
Attribution CC BY
Your attribution should include the following:
Title: Naka naNala bakhuluma ngemoya
Author/s: Ndivhuho Mutsila
Translator/s: Simangele Khoza
Illustrator/s: Simon Mokoena
Assurer/s: Mduduzi Benjie Shongwe
Language: Siswati

© Zenex Foundation - Saide 2025

CC BY includes the following elements:
 BY   – Credit must be given to the creator