Naka le Nala ba ithuta ka moya
Ndivhuho Mutsila
Simon Mokoena
Sepedi
First paragraphs
Naka le Nala ba sethokgweng sa go omelela. Ba dutše ka fase ga mohlare.
-
Nala o kwa matlakala a gwašagwaša ka boleta mo moyeng.
1
“Theeletša Naka. Na o kwa matlakala?” Nala a botšiša.
-
“Ee, ke kwa matlakala gape le gona ke bona a šikinyega,” Naka a fetola.
2
“Na o a gopola gore ke eng se se dirago gore matlakala a šikinyege?”
-
“Ke ge phefo e foka,” Nala a fetola.
-
“Ke nagana gore ke moya,” Naka a realo.
3
“Moya o re dikologile efela re ka se o bone.” Nala a thoma.
-
“Efela re kgona go bona le go kwa matlakala ge a šikinyega.” Naka a mo tsena ganong.
4
Nala a tšwela pele, “Re ka se kgone go bona moya efela re ka bona le go kwa ditlamorago tša moya. Ke phefo yeo.”
-
“Phefo ke moya?” Naka a botšiša.
5
“Ee,” Nala a tlaleletša.
-
“Moya o swara marothi a mannyane a meetse kua marung. Ge meetse ka marung a eba boima kudu, a wela fase bjalo ka pula.”
6
“Nagana re rotogela leratadimeng ka gare ga paluni ya moya wa go fiša. Paluni e swana le lerothi la meetse, moya o a le swara,” Nala a realo.
7
“Le rena re hema moya,” Naka a gopola.
-
“Ee, diphoofolo ka moka le mehlare di hloka moya gore di phele,” Nala a realo.
-
“Ka moka re hloka moya wa go hlweka,” Naka a dumela.
8
“Ga re kgone go bona moya efela na moya o hlolwa ke eng?” Naka a botšiša.
-
“Moya ke motswako wa dikgase le lerole le lennyane,” Nala a fetola.
9
“Lefase le phuthetšwe ke moya.
-
Moya o re dikologile mo gohle. Moya wa lefase o tloga mo go ya lefaufaung,” Nala o bolela a bula matsogo a gagwe.
10

——Dipotšišo


  1. Na kanegelo ye e bolela ka bomang?
  2. Na ba mo kae?
  3. Ke bomang bao ba hlokago moya gore ba phele?
  4. Na moya o hlolwa ke eng?
  5. Moya o mo kae?
  6. Ke ka lebaka la eng marothi a pula a rotha?
  7. Na phefo ke eng?
  8. Nyakišiša kanegelo ya go bolela ka phefo o ngwale dintlha tšeo o di hwetšago.
  9. Na moya wa go hlweka ke ofe?
11
Attribution CC BY
Your attribution should include the following:
Title: Naka le Nala ba ithuta ka moya
Author/s: Ndivhuho Mutsila
Translator/s: Dikeledi Queen Shai
Illustrator/s: Simon Mokoena
Assurer/s: Connie Makgabo
Language: Sepedi

© Zenex Foundation - Saide 2024

CC BY includes the following elements:
 BY   – Credit must be given to the creator