UNaka noNala bakhuluma ngommoya
Ndivhuho Mutsila
Simon Mokoena
isiNdebele
First sentences
UNaka noNala basemmangweni owomileko, bahlezi ngaphasi komuthi.
-
UNala uzwa itjhada lamakari emmoyeni obetha kancani.
1
“Lalela Naka. Uyawezwa amakari?” kubuza uNala.
-
“Iye, ngiyawezwa amakari begodu ngiyawabona nalawo asikinyekako,” uNaka uyaphendula.
2
“Uyakhumbula bona yini eyenza amakari asikinyeke?” kubuza uNaka.
-
“Kulokha ummoya uphephula izinto,” kuphendula uNala.
-
“Ngicabanga bona mumoya,” kutjho uNaka.
3
“Ummoya usizombelezile, kodwana asiwuboni…” uNala uyathoma.
-
UNaka umngena emlonyeni, “Kodwana sikghona ukubona nokuzwa amakari asikinyekako!”
4
UNala uyaraga, “Angeze sawubona ummoya, kodwana sikghona ukubona nokuzwa lokho okusikinywa mumoya. Lokho kubizwa bona mumoya okhambako.”
-
“Ingabe ummoya okhambako mumoya?!” kubuza uNaka.
5
“Iye,” kumomotheka uNala.
-
Uyangezelela, “Ummoya uba namathosana wamanzi asemafini. Lokha amanzi asemafini aba budisi khulu, amathosi wamanzi ayehla aba lizulu.”
6
“Akhe ucabange nje thina sikhuphukela emkayini ngebhaluni yommoya otjhisako. Ibhaluni ifana nethosi lamanzi, ummoya uyayibamba,” kutjho uNala.
7
“Godu siphefumula ummoya,” kukhumbula uNaka.
-
“Iye, zoke iinlwana neentjalo zitlhoga ummoya bona ziphile,” kutjho uNala.
-
“Soke sitlhoga ummoya ohlanzekileko,” kuvuma uNaka.
8
“Asikghoni ukubona ummoya, kodwana wenziwe ngani?” kubuza uNaka.
-
“Ummoya umvango weenrhasi namaqhatjhazi wethuli,” kuphendula uNala.
9
“Iphasi lembeswe mummoya,” kutjho uNala.
-
“Ummoya usizombelezile. Ummoya wephasini unaba kusuka lapha ukuyokufika emkhathini,” uvula imikhono yakhe.
10

——Imibuzo


  1. Indatjana le imayelana nobani?
  2. Bakuphi?
  3. Ngubani otlhoga ummoya ukobana aphile?
  4. Ummoya wenziwe ngani?
  5. Ukuphi ummoya?
  6. Kubayini amathosi wezulu ehla?
  7. Uyini ummoya okhambako?
  8. Thola indatjana emayelana nommoya okhambako.
  9. Uyini ‘ummoya ohlanzekileko’?
11
Attribution CC BY
Your attribution should include the following:
Title: UNaka noNala bakhuluma ngommoya
Author/s: Ndivhuho Mutsila
Translator/s: Vusi Mahlangu
Illustrator/s: Simon Mokoena
Assurer/s: Sponono Mahlangu
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator