Ka tsatsi le leng le tjhesang la Lehlabula, Khosi o ne ntse a e ya hodimo le tlase a ipotsa hore a ka etsang.Mme wa hae o ne a ile masimong a mo siile hae.“Ekaba nka iketsang,” ke Khosi a ipotsa.

Ehe! Yaba o tlelwa ke mohopolo jwaloka tlhase ya mollo.“Ke tla ya sesa nokeng, empa ke tla tsamaya le mang? Mme ha a batle ha ke tsamaya ke le mong,” ho nahana Khosi.Ka yona nako yeo, mme Sophie a feta a e ya nokeng. O ne a tshwere moqomo o moholo o tletseng diaparo.

“Eke! Ke tla latela mme Sophie ha a ya nokeng.”A matha kamora mme Sophie. “Na nka ya le wena nokeng?” Khosi a botsa. Mme Sophie a dumela ka hlooho a bososela.Tseleng, Nozipho a ba joina. Nozipho o ne a sa rate ho sesa, empa o ne a rata ho lebella ba bang ha ba sesa.

Nokeng Khosi a ipolella a re, “Kajeno ke kgathetse ke ho sesetsa lebopong jwalo ka lesea. Ke batla ho bontsha bohle hore le nna nka sesa moo ho tebileng.”Qapu! A itahlela nokeng, yaba o tebela tlase-tlase.Nozipho o ne a lebella a eme hojana ha motswalle wa hae a sesa le bana ba bang.

Ha Nozipho a ntse a shebile, a bona eka bohle ba nyakalletse ka nokeng.Ba ne ba sesa ba entse lerata.Ba hweletsana ke lethabo.

Ha Nozipho a ntse a shebile, a bona ho hong ho shebahalang ho fapane.Khosi o ne a sesetsa hole le bana ba bang.Nozipho a atamela a shebisisa. A tshoswa ke seo a neng a se bona, a mathela ho bomme ba neng ba hlatswa diaparo nokeng.“Thusang!” Khosi o a kgangwa,” Nozipho a hweletsa.

Ka ho panya ha leihlo, mme Sophie a tlolela ka nokeng a sesetsa kwetseng.A qwelela ka tlasa metsi, a ya hodimo, a ya tlase a ntse a batlana le Khosi.A phamola Khosi ka sephaka, yaba o sesetsa lebopong.Yaba mme Sophie o ntsha Khosi ka nokeng.

Mme Sophie a feta ka potlako sehlopha sa bana le basadi ba neng ba lla ba hweleditse.Nozipho a matha ka mora hae a e ya tliliniking a pepile Khosi ka mokokotlong.

Tliniking, mme Sophie a kgahlanyetswa ke mooki Noxolo ya ileng a matha ho ya thusa Khosi.Mooki Noxolo a phakisa a isa Khosi ka phaposing mme baoki ba bang ba tlo mo thusa ka pele.“O pholohile! Ke lehlohonolo hore ha a kaba a dula ka metsing nako e telele!” ho rialo mooki.

Matshwafo a mme Sophie a kokobela.Bohle tliniking ba mo rorisa ka sebete seo a bileng le sona.“Ke thabile hore ke kgonne ho pholosa bophelo,” ke mme Sophie yeo ka boikokobetso.

Ditaba tsa fihla moreneng wa motsana oo mme a romela morumua ho ya bitsa mme Sophie. Morena a mamela ka hlooko ha mme Sophie a hlalosa kamoo a ileng ya e ba sesesi se hlwahlwa ka teng.“Ha ke le ngwananyana, motswalle wa ka o ne a dula ka nqane ho noka. Metsi e ne e le karolo ya bophelo ba rona mme re ne re tlameha ho ithuta ho sesa. Re ne re nwa, re hlatswa hape re bapalla nokeng,” ke mme Sophie yeo.

Morena a etsa kopano motseng ho etsa tsebiso ya hore o nkile qeto ya ho tlotla mme Sophie ka ho bontsha sebete.Basadi ba didietsa, banna ba letsa melodi, bana bona ba hweletsa ka lethabo. Ho tlohela tsatsing leo, bana ba rata ho latella mme Sophie hohle moo a neng a e ya teng.Ba ne ba utlwahala ba bina ba re, “Ha ho se ka nthetsang, o teng mmasebete mme Sophie!”