Ḓuvha ḽa Mbofholowo
Connie Makgabo
Sibusiso Khumalo
Tshivenḓa
Longer paragraphs

——


Ḓuvha ḽa Mbofholowo, nga ḽa 27 Lambamai ndi holodei fhano Afurika Tshipembe.
-
Heyi ndi nganea ya Ḓuvha ḽa Mbofholowo.
-
Ni ḓo guda nga ha ḓivhazwakale yaḽo, na uri ndi ngani ḽi ḓuvha ḽa ndeme.
1
Afrika Tshipeme ḽo wana mbofholowo nga ḽa 27 Lambamai, 1994.
-
Ho vha hu lwa u thoma vhathu Vharema vha tshi vouta kha khetho dza Afrika Tshipembe.
-
Ro pembelela u fheliswa ha tshiṱalula, na mathomo a demokirasi.
2
Kha Demokirasi vhathu vhoṱhe vha a tendelwa u vouta, arali vhe vhahulwane nga ho teaho.
-
Vhathu vha vouta na u khetha vharangaphanḓa vha muvhuso kha dzikhetho.
-
Muvhuso wa tshiṱalula wo vha u sa tendeli vhathu Vharema vha tshi vouta.
3
Vhalwela mbofholowo vhanzhi vho lwisana na muvhuso wa tshiṱalula.
-
Vho Nelson Mandela ndi mulwela mbofholowo a ḓivheaho vhukuma. Vho lwela u lingana ha pfanelo dza vhathu vhoṱhe vha Afrika Tshipembe.
-
Muvhuso wa tshiṱalula wo vha valela dzhele lwa miṅwaha ya 27 ngauri vho vha vha tshi khou lwela demokirasi.
4
Nga ḽa 27 Lambamai 1994, vhathu vha Afrika Tshipembe vho bubela fhethu ha u vouta.
-
Fhethu ha u vouta ndi hune ra ya hone uri ri kone u vouta.
-
Musi ri tshi vouta, ri khetha vhathu vhane ra ṱoḓa vha tshi ranga phanḓa muvhuso.
5
Vhathu vhoṱhe vha Afrika Tshipembe vho vha vho takalela u vouta lwa u thoma kha khetho dza demokirasi.
-
Miduba yo vha i milapfulapfu.
-
Ḓuvha ḽo vha ḽi tshi khou gotsha ḓula.
-
Fhedzi vhathu vho vha vho takala ngauri vho vha vho vhofholowa.
6
Vho Nelson Mandela vho vha vha tshi humbula ḽeneḽi ḓuvha nga dakalo.
-
A vha hangwi miduba milapfulapfu ya vhathu zwiṱaraṱani.
-
Vha humbula vhathu vhanzhi vhe vha vha vho lindela u vouta lwa u tou thoma.
7
Heḽi ndi ḓuvha ḽe vhathu vhoṱhe Afrika Tshipembe vha re na miṅwaha ya 18 na u fhira vha tendelwa u vouta.
-
Shangoni ḽoṱhe ro vha ro lindela ri sa fheli mbilu uri ri dzhene fhethu ha u vouta.
-
Ro lindela u swika vhukati ha vhusiku, musi vha re midubani vho no vouta vhoṱhe.
8
Nga murahu, fhethu ha u vouta ha vala. Voutu dza thoma u vhalwa.
-
Ho vha hu tshifhinga tsha u ḓivha uri vhathu vho khetha nnyi uri a vhuse Afrika Tshipembe.
-
Vhathu vha ṱoḓaho u vha miḽiyoni dza 20 vho vha vho vouta nga ḽa 27 Lambamai 1994. Vho vha vho voutela muvhuso muswa.
9
Ḽihoro ḽa African National Congress (ANC) ḽo wana voutu nnzhi vhukuma.
-
Ḽihoro ḽa ANC ḽo kunda kha dzenedzo khetho dza u thoma dza demokirasi ga tshivhalo tshihulwane vhukuma!
-
Vho Nelson Mandela vho vha vhe murangaphanḓa wa ANC. Vho vha muphuresidennde wa u thoma wa Afrika Tshipembe ya demokirasi.
10
Muvhuso muswa wo ita ḓuvha ḽa 27 Lambamai holodei u itela uri vhathu vha Afrika Tshipembe vha pembelele ḽeneḽi ḓuvha ḽa ndeme ṅwaha na ṅwaha.
-
Ri pembelela demokirasi na milayo miswa.
-
Ri pembelela nga u kuvhangana zwitediamu kha zwiitea zwa ndeme.
-
Ri ḽi pembelela nga muzika, zwirendo na zwipitshi.
11
Nga Ḓuvha ḽa Mbofholowo, ri ṱhonifha vhalwela mbofholowo vhashu.
-
Ri pembelela u fheliswa ha tshiṱalula.
-
Ri pembelela uri vhathu vhoṱhe vha na ndugelo ya u vouta.
-
Ri fulufhedzisa uri ri ḓo ita vhungoho ha uri vhathu vhoṱhe vha na mbofholowo na uri vha a lingana. Heyi ndi yone demokirasi!
12
Khetho dza Afurika Tshipembe dzi dzudzanywa nga vha Independent Electoral Commission (IEC).
-
Heḽi dzangano ḽi ita vhungoho ha uri khetho a “dzi na tshiṱalula.” Ni humbula uri zwenezwi zwi amba mini?
-
Wanani mafhungo o engedzeaho nga heḽi dzangano ḽa Independent Electoral Commission. (Ni nga vhala zwo engedzeaho kha webusaithi yavho.)
13

——Dzimbudziso


  1. Ho itea mini nga ḓuvha ḽa 27 Lambamai 1994?
  2. Ndi ngani heḽi ḓuvha ḽi ḽa ndeme?
  3. Ndi ngani ḓuvha ḽa 27 Lambamai i holodei?
  4. Demokirasi ndi mini?
  5. Ndi nnyi muphuresidennde wa u thoma wa Afurika Tshipembe ya demokirasi?
14

——Bugu dza tsielano iyi


  • Ḓuvha ḽa Vhupfumedzani
  • Ḓuvha ḽa Mbofholowo
  • Ḓuvha ḽa Vhufa
  • Ḓuvha ḽa Pfaneleo dza Vhathu
  • Ḓuvha ḽa Vhafumakadzi
  • Ḓuvha ḽa Vhashumi
  • Ḓuvha ḽa Vhaswa
15

——


Heyi bugu ya nganea yo itwa na u ṅwalwa nga Lupedi, sa tshipiḓa tsha phurodzhekthe ya Zenex Ulwazi Lwethu ya bugu dza u vhala ya 2020.
16
Attribution CC BY
Your attribution should include the following:
Title: Ḓuvha ḽa Mbofholowo
Author/s: Connie Makgabo
Translator/s: Tshedza Tlhako
Illustrator/s: Sibusiso Khumalo
Assurer/s: Doris Manyamalala
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator