Letsatsi la Kgololesego
Connie Makgabo
Sibusiso Khumalo
Setswana
Longer paragraphs

——


Mo Aforika Borwa, Letsatsi la Kgololosego ke la boikhutso ka la 27 Moranang.
-
Kanelo e, e ka ga Letsatsi la Kgololosego.
-
O tlile go buisa ka hisitori ya lona, le goreng e le letsatsi le le botlhokwa.
1
Ka 1994, Aforika Borwa e bone kgololesego ya yona ka la 27 Moranang.
-
E ne e le la ntlha bantsho ba tsaya karolo mo ditlhophong tsa Aforika Borwa.
-
Re ne re keteka bokhutlo jwa tlhaolele mme re simolola temokerasi.
2
Temokerasi ke mokgwa o batho botlhe ba ka kgonang go tlhopha fa ba godile.
-
Ka nako ya ditlhopho batho ba tlhopha baetapele ba bona le puso.
-
Ka nako ya tlhaolele, puso ya Aforika Borwa e ne e sa letle batho bantsho go tlhopha.
3
Balwelakgololesego ba bantsi ba ne ba lwantsha pusotlhaolele.
-
Nelson Mandela ke molwelakgololesego wa rona yo o itsegeng thata. O ne a lwela tekatekano ya ditshwanelo tsa MaAforika Borwa otlhe.
-
Puso ya tlhaolele e ne ya mo golega dingwaga di le 27 ka gonne a ne a lwela temokerasi.
4
Ka la 27 Moranang 1994, MaAforika Borwa a ne a simolola go ema mela e meleele kwa mafelong a ditlhopho go ralala naga.
-
Lefelo la ditlhopho ke kwa go tlhophiwang gona.
-
Fa re tlhopha, re kgetha batho ba re batlang ba buse.
5
Batho botlhe ba ne ba itumeletse go tlhopha mo ditlhophong tsa ntlha tsa temokerasi tsa Aforika Borwa.
-
Mela e ne ya leelefala e sa ikhutse.
-
Fela botlhe ba ne ba itumeletse kgololesego.
6
Nelson Mandela o ne a gopola letsatsi le lentle le ka kgatlhego.
-
O ne a sa lebale mela e meleele ya batho mo mebileng.
-
O ne a gopola bontsi bo bo neng bo letile go tlhopha la ntlha ba gololesegile.
-
Megopolo e, e mo dutse tlhaloganyong.
7
Ke letsatsi le MaAforika Borwa a dingwaga tse 18 le go feta ba ka tlhophang.
-
Go ralala naga, re ne ra leta ka bopelotelele go tlhopha.
-
Re eme mo meleng bosigong boo, go fitlha botlhe ba fetsa go tlhopha.
8
Jaanong mafelo a ditlhopho a tswalwa. Ya nna nako ya go bala ditlhopho.
-
E ne e le nako ya go itse gore batho ba tlhophile mang go busa Aforika Borwa.
-
Batho ba ka nna dimilione di le 20 ba tlhophile ka 27 Moranang 1994. Re tlhophile puso e ntšhwa.
9
Mokgatlho wa African National Congress e ntse o o boneng ditlhopho tse di kwa godimo.
-
ANC e fentse ditlhopho tsa ntlha tsa temokerasi go feta!
-
Nelson Mandela e ne e le moeteledipele wa ANC. E ntse moporesidente wa ntlha wa temokerasi ya Aforika Borwa.
10
Puso e ntšhwa e dirile letsatsi la 27 Moranang la boikhutso gore MaAforika Borwa a kgone go keteka letsatsi le, ngwaga le ngwaga.
-
Re keteka temokerasi le melao e mešwa. Re keteka ka go kopanela kwa disetadiamong ka ditiragalo tse di kgethegileng. Re keteka ka go kopanela kwa disetadiamong ka ditiragalo tse di kgethegileng.
-
Re keteka ka mmino, poko le dipuo.
11
Ka Letsatsi la Kgololesego, re tlotla balwelakgololesego ba rona.
-
Re keteka bokhutlo jwa tlhaolele.
-
Re keteka gore mongwe le mongwe o na le tetla ya go tlhopha.
-
Re tshepisa le go netefatsa gore mongwe le mongwe o lekane, o gololesegile. Se ke temokerasi!
12
Ditlhopho mo Aforika Borwa di rulaganngwa ke Independent Electoral Commission (IEC).
-
Mokgatlho o, o netefatsa gore ditlhopho di “tsamaya ka tolamo.” O akanya gore se se kayang?
-
Batlisisa ka Independent Electoral Commission. (O ka buisa go le gontsi mo webosaeteng ya bona).
13

——Dipotso


  1. Go diragetse eng ka la 27 Moranang 1994 mo Aforika Borwa?
  2. Ke mang a ka tlhophang mo temokerasing?
  3. Goreng 27 Moranang e le letsatsi la boikhutso?
  4. Temokerasi ke eng?
  5. Ke mang moporesidente wa ntlha wa temokerasi mo Afrika Borwa?
14

——Dibuka tse di mo motseletseleng o


  • Letsatsi la Poelano
  • Letsatsi la Kgololosego
  • Letsatsi la Ngwao Bošwa
  • Letsatsi la Ditshwanelo tsa Botho
  • Letsatsi la Basadi
  • Letsatsi la Badiri
  • Letsatsi la Bašwa
15

——


Bukakanelo e, e tlhamilwe le go kwalwa ka puo ya Sepedi, e le karolo ya porojeke ya didiriswa tsa go buisa ya Zenex Ulwazi Lwethu.
16
Attribution CC BY
Your attribution should include the following:
Title: Letsatsi la Kgololesego
Author/s: Connie Makgabo
Translator/s: Lorato Trok
Illustrator/s: Sibusiso Khumalo
Assurer/s: Dineo Moatshe, Opelo Thole
Language: Setswana

© Zenex Foundation - Saide 2024

CC BY includes the following elements:
 BY   – Credit must be given to the creator