Ilanga leKululeko
Connie Makgabo
Sibusiso Khumalo
isiNdebele
Longer paragraphs

——


ESewula Afrika, iLanga leKululeko liyiholideyi yomphakathi eba ngomhlaka-27 kuSihlabantangana.
-
Le yindatjana yeLanga leKululeko.
-
Uzakufunda ngomlando walo, nokobana kubayini ilangeli liqakathekile.
1
Ngomnyaka we-1994, iSewula Afrika yathola ikululeko yayo ngomhlaka-27 kuSihlabantangana.
-
Kwabe kungekokuthoma ukobana abantu abanzima bavowude emakhethweni weSewula Afrika.
-
Sigidinge ukuphela kwebandlululo nokuthoma kwentando yenengi.
2
Umbuso wentando yenengi lihlelo lapha omunye nomunye angavowuda nangabe sekamdala.
-
Abantu bavowuda emakhethweni ukobana bakhethe abadosiphambili babo nombuso wabo.
-
Ngesikhathi sebandlululo, umbuso weSewula Afrika bewungavumeli abantu abanzima ukobana bavowude.
3
Inengi labalwelikululeko balwa nombuso webandlululo.
-
UNelson Mandela umlwelikululeko wethu odume khulu. Walwela amalungelo alinganako wawo woke amaSewula Afrika.
-
Umbuso webandlululo wamthatha wayomphosela ejele iminyaka ema-27 ngombana bekalwela intando yenengi.
4
Ngomhlaka-27 kuSihlabantangana ngomnyaka we-1994, amaSewula Afrika athoma ukujama emijejeni ngesamarimarima eentetjhini zokuvowuda enarheni mazombe.
-
Isitetjhi sokuvowudela yindawo esiya kiyo siyokuvowuda.
-
Lokha nasivowudako, sikhetha abantu esibathandako ukobana baphathe embusweni.
5
Woke umuntu wabe athabele ukuvowuda emakhethweni wokuthoma wokuvowuda eSewula Afrika.
-
Imijeje yaba mide ngokudluleleko.
-
Kodwana boke abantu babe bathabile ngombana bebazizwa batjhaphulukile.
6
UNelson Mandela ukhumbula ilanga elihle leli ngethabo elikhulu.
-
Akakghoni ukukhohlwa imijeje emide yabantu eentradeni.
-
Ukhumbula abantu abanengi ebegade balindele ukuvowuda emakhethweni wokuthoma atjhaphulukileko.
-
Iinthombezi zihlala zisemkhumbulweni wakhe.
7
Leli lilanga lokha woke amaSewula Afrika abekaneminyaka eli-18 ubudala ebekavunyelwe khona ukobana bavowude.
-
Enarheni yoke, salinda ukobana siye eentetjhini zokuvowuda.
-
Sajama imijeje kwaze kwaba sebusuku, kwaze kuba kulapha boke abantu abasemjejeni baphelela khona.
8
Ngemuva kwalokho iintetjhi zokuvowuda zavalwa. Besele kusikhathi sokubala amavowudu.
-
Besele kusikhathi sokuthola bona abantu bafuna bani ukobana aphathe iSewula Afrika.
-
Pheze abantu abaziingidi ezima-20 bavowuda ngomhlaka 27 kuSihlabantangana ngomnyaka we-1994. Savowudela umbuso omutjha.
9
Isiqhema se-African National Congress kwaba siqhema esathola amavowudu amanengi.
-
I-ANC yathumba amakhetho wokuthoma wentando yenengi!
-
UNelson Mandela wabe amdosiphambili we-ANC. Wabe anguMengameli wokuthoma wentando yenengi eSewula Afrika.
10
Umbuso omutjha wenza ilanga langomhlaka-27 kuSihlabantangana ilanga leholideyi yomphakathi ukuze amaSewula Afrika akghone ukugidinga ilangeli qobe mnyaka.
-
Sigidinga intando yenengi nemithetho emitjha.
-
Sigidinga ngokubuthana eentediyamu nakuneminyanya ekhethekileko.
-
Sigidinga ngemivumo, iinkondlo nangeenkulumo.
11
NgeLanga leKululeko, sihlonipha abalwelikululeko bethu.
-
Sigidinga ukuphela kwebandlululo.
-
Sigidinga ukobana woke umuntu unelungelo lokuvowuda.
-
Sithembisa nokobana sizakwenza isiqiniseko sokobana woke umuntu uyalingana nomunye begodu utjhaphulukile.
12
Amakhetho eSewula Afrika ahlelwa yiKomitjhini yamaKhetho eziJameleko (i-IEC).
-
Ihlangano yenza isiqiniseko sokobana amakhetho “aba ngamahle begodu natjhaphulukileko”. Ucabanga lokho bona kutjho ukuthini?
-
Tholisisa ngeKomitjhini yamaKhetho eziJameleko.
-
(Ungafunda okunengi kubunzinzolwazi babo.)
13

——Imibuzo


  1. Kwenzekani eSewula Afrika ngomhlaka-27 kuSihlabantangana?
  2. Ngubani ongavowuda kuntando yenengi?
  3. Kubayini umhlaka-27 kuyiholideyi yomphakathi?
  4. Iyini intando yenengi?
  5. Ngubani owaba nguMengameli wokuthoma wentando yenengi eSewula Afrika?
  6. Atjho ukuthini ‘amalungelo alinganako’?
  7. Ngiziphi izinto ongakakhululeki ukuzenza esikolweni sakho? Kubayini?
  8. Ngaphandle kokuhlela amakhetho, ngimuphi omunye umsebenzi owenziwa yiKhomitjhani eziJameleko yezamaKhetho.
14

——Iincwadi eziselungelungeni leli


  • Ilanga lokuBuyisana
  • Ilanga leKululeko
  • Ilanga lamaGugu
  • Ilanga lamaLungelo wobuNtu
  • Ilanga laboMma
  • Ilanga labaSebenzi
  • Ilanga leluTjha

15

——


Indatjana le yatlhanywa begodu yatlolwa ngelimi leSepedi, njengengcenye yephrojekthi yeZenex Ulwazi Lwethu ye-2020 yeencwadi ezingafundwa.
16
Attribution CC BY
Your attribution should include the following:
Title: Ilanga leKululeko
Author/s: Connie Makgabo
Translator/s: Sponono Mahlangu
Illustrator/s: Sibusiso Khumalo
Assurer/s: William Jiyana
Language: isiNdebele

© Zenex Foundation - Saide 2025

CC BY includes the following elements:
 BY   – Credit must be given to the creator