Ximanga na Mbyana i vanghana va kahle swinene.Va tekile xiboho xa ku endzela munghana wa vona Huku hi siku ra ku tswariwa ka yena.Huku a tshama eka tikoxikaya rin’wana. A swi ta teka masiku mambirhi leswaku va Ximanga na Mbyana va fika.

Ximanga na Mbyana va hanya hi tindlela to hambana swinene.Mbyana a yi rhandza ku dya na ku etlela naswona hi mikarhi yin’wana a yi tlangela etlhelo. Ximanga a xi ri na tintswalo, ku nyikela na ku va xi tshembekile.Va hlanganile eka va Mbyana ku kunguhata riendzo ra vona.

“Ndzi ta ta na timbuva ta siku ro sungula,” ku nyikela Mbyana.“Mina ndzi tata na timbuva ta siku ra vumbirhi,” ku vula Ximanga.Va tsarile swilo hinkwaswo ehansi ku ri va nga rivali.

“Swi nga tsakisa ku vona Huku hi ku hatlisa. I khale hi nga si vona munghuna wa hina,” Mbyana u vurile loko a ri karhi a heleketa Ximanga ekaya.Ndza khensa ku va u ndzi heleketa ekaya,” Ximanga a byela Mbyana.

Va hlanganile ka ri ha ri mixo swinene ku va va sungula riendzo ra vona.Va yimbelerile na ku cina loko va ri endleleni.Endzhaku ka karhi, va wisile ehansi ka nsinya. “Ndzi na ndlala! A hi dye,” ku vula Ximanga.

Mbyana hi ku hatlisa yi phakerile swakudya etindyelweni. Swakudya a swi tele mafurha na mati.Ximanga xi vutisa, “Xana swakudya leswi u nga na swona i swa hina hi ri vambirhi?”Ximanga a xi hlundzukile hikuva munghana wa xona a nga tanga na swakudya leswi va nga twanana swona. A xi dyanga swakudya swa Mbyana.

“Xana u yimele yini?” ku vutisa Mbyana. A yi tsakela leswaku Ximanga xi tshika ku vilela xi dya.Hi ku hela mbilu, Ximanga xi vutisa, “Hikwalaho ka yini u tile na swakudya leswi wena u swi tsakelaka?” Mbyana yi dya hi xihatla ku fikela laha ndyelo yi rheta.Swakudya hinkwaswo swi halakela ehansi.

“U nga vileli munghana wa mina,” ku vula Ximanga.Ximanga xi humisile tisangweji tin’wana to saseka. Xi sungula ku dya. Mbyana yi langutile swakudya swa Ximanga hi tihlo ro kombela.Loko ximanga xi hetile ku dya, xi phutsaphutsile xi byela Mbyana xi ku, “Xana hi nga ya emahlweni na riendzo?”

A va vulavurisanangi eriendzweni hinkwaro. Khwiri ra Mbyana a ri duma hi ndlala.Vusiku byebyo, Ximanga xi tiphamerile. Xi yile eku etleleni xi tsakile leswaku xi tile na swakudya swo ringana.Mbyana yi yile eku etleleni yi ri na ndlala.

Nimixo, Ximanga xi tiphamerile swakudya switsongo swa ku fihlula. Mbyana yi nga tshiki ku languta swakudya swa Ximanga.Ximanga xi nyikile Mbyana swakudya. Mbyana yi ku, “Ndzi rivalele, a ndzi ri na makwanga.”Ximanga a hlamula, “A hi dye swin’we.” Va tshamile ehansi va dya.

Loko va ri karhi va ya emahlweni na riendzo, va vile vanghana nakambe! Va fikile endlwini ya Huku hi nkarhi.“A ri ri njhani riendzo vanghana va mina?” ku vutisa Huku.Va ri karhi va n’wayitelana, Ximanga na Mbyana va hlamula, “Kahle ngopfu.”

Himpela i siku ra kahle ra ntlango wa ku velekiwa.Va dyile, va yimbelela no cina!