Tshimange na Mmbwa ndi madele mapfani.Vha khetha u dalela khonani yavho, Tshikukwana nga ḓuvha ḽawe ḽa mabebo.Tshikukwana o vha a tshi dzula kha muṅwe muvhundu. Zwi ḓo dzhia maḓuvha mavhili uri Tshimange na Mmbwa vha swike henefho.

Tshimange na Mmbwa vha ḓifara nga nḓila dzo fhambanaho.Mmbwa yo vha i tshi funa u ḽa na u eḓela nahone nga zwiṅwe zwifhinga yo vha i tshi silinga.Tshimange tsho vha tshi na vhuthu, tshi na mafunda nahone tshi tshi fhulufhedzea.Vho ṱangana muḓini wa Mmbwa uri vha dzudzanye lwendo lwavho.

“Ndi ḓo ḓa na zwiḽiwa zwa ḓuvha ḽa u thoma,” Mmbwa a tshi amba.“Nṋe ndi ḓo ḓa na zwa ḓuvha ḽa vhuvhili,” hu amba Tshimange.Vha ṅwala zwithu zwoṱhe uri vha si hangwe.

“Zwi ḓo takadzesa u dovha ra vhona Tshikukwana.Ndi kale ro guma u vhona khonani yashu,” Mmbwa i tshi vhudza Tshimange musi i tshi khou tshi fhelekedza hayani.“Ndo livhuwa nge wa mphelekedza hayani,” Tshimange tshi vhudza Mmbwa.

Vha ṱangana ḓuvha ḽi tevhelaho nga matshelonitsheloni uri vha fare lwendo lwavho.Vho vha vha tshi khou imba na u tshina vho takala musi vhe nḓilani.Nga murahu ha tshifhinga, vha awela nga fhasi ha muri muhulwane. “Ndi na nḓala! Kha ri ḽe,” hu amba Tshimange.

Mmbwa ya ṱavhanya ya avha zwiḽiwa kha ndilo mbili. Zwiḽiwa zwo vha zwi na mapfura nahone zwi luḓi.Tshimange tsha vhudzisa, “Izwi ndi zwiḽiwa zwe na ri ḓela nazwo?”Tshimange tsho vha tsho sinyuwa ngauri khonani a yo ngo ḓa na zwiḽiwa zwe vha tendelana ngazwo. Tshimange a tsho ngo ḽa zwiḽiwa zwa Mmbwa.

“No lindela mini?” Mmbwa i a vhudzisa. Yo vha i tshi fhulufhela uri Tshimange tshi ḓo litsha u gungula tsha ḽa.Tsho dinalea, Tshimange tshi a vhudzisa, “Ndi ngani no ḓa na zwiḽiwa zwine zwa funwa nga inwi fhedzi?”Mmbwa yo vha i tshi khou phaga lwe ndilo ya suvha.Zwiḽiwa zwoṱhe zwa Mmbwa zwa shuluwa.

“Ni songo vhilaela khonani yanga,” Tshimange tshi tshi amba.Tshimange tsha bvisa sangwetshi yo nakelelaho. Tsha thoma u ḽa.Mmbwa ya sedza zwiḽiwa zwa Tshimange nga nḓila ya u tou tamelela na u humbela.Musi Tshimange tshi tshi fhedza u ḽa, tsha paka thundu dzatsho nahone tsha ri kha Mmbwa, “Ri nga bvela phanḓa na lwendo lwashu?”

Vho vha vho sokou ṅoo kha lwendo lwavho. Thumbu ya Mmbwa yo vha i tshi khou korola nga nḓala.Nga eneo madekwana, Tshimange tsha ḓi avhela tshi tshoṱhe. Tsha eḓela tsho takala tshi tshi ḓivha uri tsho ḓa na zwiḽiwa zwo eḓanaho.Mmbwa ya eḓela i na nḓala.

Nga matsheloni, Tshimange tsha ḽa zwiṱukunyana zwiḽiwa zwa nga matsheloni. Mmbwa yo vha i sa litshi u zwondolola zwiḽiwa zwa Tshimange.Tshimange tsha ṋea Mmbwa zwiḽiwa.Mmbwa ya ri, “Ndi khou humbela pfarelo. Ndo ḓihumbulela ndi ndoṱhe.”Tshimange tsha fhindula tsha ri, “Kha ri ḽe roṱhe.”Vha dzula fhasi vha ḽa.

Musi vha tshi bvela phanḓa na lwendo lwavho, vho vha vho dovha u vha dzikhonani!Vha swika muḓini wa Tshikukwana nga tshifhinga.“Lwendo lwo vha lu hani khonani dzanga?” hu vhudzisa Tshikukwana.Vha tshi sea vho sedzana, Tshimange na Mmbwa vha fhindula, “Lwo vha lu lwavhuḓi.”

Yo vha i phathi ya ḓuvha ḽa mabebo i takadzaho vhukuma. Vho ḽa, vha imba na u tshina!