Katse le ntšwa ke ditsala.Di ne tsa dumelana go etela tsala ya tsona, kgogo ka letsatsi la yona la botsalo.Kgogo e dula kwa motseng o mongwe, mme go ka di tsaya malatsi a mabedi go goroga.

Katse le ntšwa di na le maitsholo le ditsela tse di farologaneng.Ntšwa e rata go ja e be e robala mme e na le go tshwenya ka dinako tse dingwe.Katse e siame, e maitseo mme e a tshepega.Di kopane kwa lefelong la ntšwa go baakanyetsa leeto la tsona.

“Ke tla tla le dijo tsa letsatsi la ntlha,”ga ithaopa ntšwa.“Ke tla tla le tsa letsatsi la bobedi,” ga bua katse.Tsa kwala tsotlhe fa fatshe gore di se ke tsa lebala.

“Go tla itumedisa go bona kgogo mo nakong e khutshwane.”E setse e le nako e telele re sa bone tsala ya rona,” ga bua ntšwa fa e tseisa katse tsela go ya kwa gae.“Ke lebogela fa o ntseisitse tsela go ya gae,” katse a raya ntšwa.

Di kopane phakela thata letsatsi le le latelang go simolola leeto la tsona.Di ne di itumetse di opela e bile di bina ka boitumelo.Morago ga nakonyana, di ne tsa ikhutsa fa tlase ga setlhare se segolo. “Ke tshwerwe ke tlala! A re je,” ga bua katse.

Ka bonako ntšwa a tsholela dijo mo dijaneng. Dijo di ne di le mafura le metsi.Katse a botsa, “A ke dijo tse o di tletseng bobedi jwa rona?”Katse o ne a sa itumela gonne tsala ya yone e sa tla le dijo tse go dumalanweng ka tsona. Ga a ka a ja dijo tsa ga ntšwa.

“O emetse eng?” ga botsa ntšwa. E ne e gopotse gore Katse e tla emisa go ngongorega mme ya ja.Ka go tenega, katse ya botsa, “Ke goreng o tla le dijo tse di ratiwang ke wena fela?”Ntšwa e ne e ja ka bonako, sejana sa ba sa relela.Dijo tsotlhe tsa ntšwa tsa tshologela fa fatshe.

“O se ke wa tshwenyega tsala,” ga bua katse.Katse ya ntsha borotho jo bo pataganeng e bile bo eletsega. E ne ya simolola go ja.Ntšwa ya lebelela dijo tsa katse ka matlho a go eletsaFa katse e fetsa go ja, ya phutha mme ya raya ntšwa ya re, “A re ka tswelela ka leeto la rona?”

Di ne di sa buisane mo leetong lotlhe. Mogodu wa ntšwa o ne wa dumisiwa ke tlala.Mo maitsiboeng, katse ya itsholela. Ya ya go robala e itumetse gonne e tlile le dijo tse di lekaneng.Ntšwa ya tsamaya go robala ka tlala.

Mo mosong, katse ya itsholela difitlholo tse di nnye. Ntšwa e ne e sa fetse go lebelela dijo tsa katse.Katse ya fa ntšwa dijo.Ntšwa ya re, “Intshwarele. Ke ne ke le bogagapa.”Katse ya araba, “A re je rotlhe.”Tla, nna fa fatshe go ja.

Fa di tsweletse ka leeto la tsona, e ne e le ditsala gape!Tsa goroga ka nako kwa ntlong ya kgogo.“Leeto lwa lona lo ne lo ntse jang ditsala?” ga botsa kgogo.Ke fa di lebelelana ka monyenyo, ga araba katse le ntšwa, “Le ne le siame thata.”

E ne e le moletlo wa botsalo o mogolo e le ruri.Di ne tsa ja, tsa opela le go bina!