Katse le Ntja ke metswalle e meholo.Ba ile ba rera ho etela motswalle wa bona Tjhiki ka tsatsi la hae la tswalo.Tjhiki o ne dula motsaneng o mong. Katse le Ntja ba ne tla nka matsatsi a mabedi ho fihla moo.

Katse le Ntja ba ne ba na le boitshwaro bo fapaneng.Ntja o ne a rata ho ja le ho robala, mme a seba ka nako tse ding.Katse o ne a le mosa, a fana mme a bile a tshepahala.Ba ile ba kopanela ha Ntja ho rera tsa leeto la bona.

“Ke tla tla le dijo tsa letsatsi la pele,” Ntja a ithaopa.“Nna ke tla tla le tsa letsatsi la bobedi,” ho bua Katse.Ba ile ba ngola tsohle fatshe hore ba se ke ba lebala.

“Ho tla ba monate haholo ho bona Tjhiki.E se e le nakwana re sa bone motswalle wa rona,” ho rialo Ntja a felehetsa Katse ho ya ha hae.“Kea leboha ha o mphelehetsa,” ke Katse a rialo ho Ntja.

Ba kopana hoseng ka le hlahlamang ho qala leeto la bona.Ba tsamaya ba ntse ba bina, ba tjeka tseleng.Ka mora nakonyana, ba phomola ka tlasa sefate se seholo. “Ke lapile! Ha re je,” ho rialo Katse.

Ntja a phakisa a tshola dijo dijaneng tse pedi. Dijo di ne di le metsi di le mafura.“Na ke dijo tseo o di tletseng nna le wena tsena?” ho botsa Katse.Katse o ne a halefile hobane ha se dijo tseo ba dumellaneng ka tsona. Katse ha a ka ba a dija dijo tseo tsa Ntja.

“O emetseng?” ho botsa Ntja. O ne a nahana hore Katse o tla tlohela ho komakoma a je.“Hobaneng o tla le dijo tse ratwang ke wena feela?” ho botsa Katse a kgopisehile.Ntja o ne a ja ka potlako hoo sejana se ileng sa thella.Dijo kaofela tsa Ntja tsa qhalana fatshe.

“Se kgathatsehe motswalle,” ho bua Katse.Katse a ntsha disamentjhisi tse ntle mme a qalella ho ja.Ntja a sheba dijo tsa Katse ka mahlo a qekisang.Ha Katse a qeta ho ja, a phutha mme a re ho Ntja, “Re ka tswela pele ka leeto la rona.”

Ha ba kaba ba buisana leeto kaofela.Mala a Ntja a ne a dumaela ke tlala.Mantsiboyeng ao Katse a itsholela. A robala a thabile ke ho bona hore o tlile le dijo tse lekaneng.Ntja o robetse a lapile.

Hoseng Katse a itsholela dijonyana tsa hoseng. Ntja o ne a sa phetse ho sheba dijo tsa Katse.Katse a fa Ntja dijo.Yaba Ntja a re, “Ke bile meharo, ke kopa tshwarelo.”Katse a re, “Ha re je mmoho.”Ba dula fatshe ba ja.

Ha ba ntse ba tswela pele ka leeto, ya boela ya eba metswalle hape.Ba fihla ha Tshiki ka nako.“Na leeto la lona le bile jwang metswalle?” ho botsa Tshiki.Katse le Ntja ba araba ka pososelo, “Le bile monate haholo.”

Ebile mokete wa letsatsi la tswalo o monate.Ba ile ba ja, ba bina, ba qoqopela!