INdlovukati lehlakaniphile
Tshedza Tlhako
Busisiwe Ndlovu
Siswati
First paragraphs
INdlovukati Lufuno beyibusa endzaweni yaseRoswika.
-
INdlovukati Lufuno beyingumbusi lokahle nalonemusa.
-
Kantsi futsi beyihlakaniphile kakhulu.
1
INdlovukati beyiphatsa ngekulingana bonkhe bantfu baseRoswika.
-
Nebantfu, ngalokufanako bebayitsandza kakhulu.
-
Maluṱa bekangulomunye webaluleki labatetsenjwa teNdlovukati Lufuno.
2
Indvodza yaMaluṱa, Tshidino, beyingakutsandzi kuba nemusa kweNdlovukati Lufuno. Beyingayitsandzi indlela bantfu labebayidvumisa ngayo.
-
Yatsi, “Yini Lufuno lanayo mine lengingenayo? Mine ngingabusa ncono kunaye.”
3
Ngalelinye lilanga iNdlovukati Lufuno kanye naMaluṱa bebacoca ngendlela lencono yekuniketa bantfu emanti.
-
Abazange bavumelane futsi baphikisana.
4
Loku kwamtfukutselisa Maluṱa. Watsi nakafika ekhaya, wacondza ngco kumyeni wakhe.
-
“Mine kanye neNdlovukati Lufuno sibe nekungavumelani ngendzaba yekuniketa bantfu emanti,” washo abuhlungu.
5
Tshidino waticabangela, “Mine ngingeta kahle kakhulu uma ngingaba yinkhosi.”
-
Wakhutsata umkakhe kutsi abe nebutsa nendlovukati.
6
Ngelilanga lelilandzelako, Tshidino wahlanganisa bantfu bendzawo kwaba nemhlangano.
-
Watsi kubo, “Ngeke sibuswe ngumfati. Mine ngingaba yinkhosi lencono.”
7
Bantfu labebabutsene lapho bacabanga ngemavi aTshidino.
-
Abazange bavumelane naye.
8
Lomunye watsi, “iNdlovukati iyacabangelana. Yakhe tikolwa tebantfwana betfu.”
-
Lomunye watsi, “Sinemasimu ekulima, futsi iyaciniseka kutsi wonkhe umuntfu unawo emanti. Ingumholi lomuhle.”
9
Umuntfu wesitsatfu wangeta ngekutsi, “Sesibuswe bantfu labehlukene. Kepha angikaze ngimbone umuntfu lohlakaniphe njengeNdlovukati Lufuno. Emakhosi akuletinye tindzawo eta lapha kutocela kuyo teluleko.”
10
Ngesikhatsi Tshidino eva loku, waya ekhaya atfukutsele kakhulu.
-
Maluṱa watsi kuye, “Bantfu baseRoswika sebakhulumile. Kufanele utemukele tifiso tebantfu.”
11
Ngesikhatsi indlovukati iva ngaloku, yamoyitela.
-
Ayizange imjezise Tshidino ngobe beyati kutsi ngiyo lephumelele.
-
Nangabe bantfu banekuthula, baphatseke kahle, futsi bajabula, batobasekela baholi babo.
12
Attribution CC BY
Your attribution should include the following:
Title: INdlovukati lehlakaniphile
Author/s: Tshedza Tlhako
Translator/s: Mduduzi Benjie Shongwe
Illustrator/s: Busisiwe Ndlovu
Assurer/s: Simangele Khoza
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator