Kgosigadi Lufuno o busitse naga ya Roswika.Kgosigadi Lufuno e ne e le mmusi yo o siameng a le molemo.O ne a le botlhale thata.

Kgosigadi o ne a tshotse mongwe le mongwe sentle ka go lekana mo Roswika.Batho le bona ba mmuseletsa ka go mo rata.Maluṱa e ne e le mongwe wa bakaedi ba ga Kgosikgolo Lufuno.

Monna wa ga Maluṱa, Tshidino, o ne a sa rate bopelonomi jwa ga Kgosigadi Lufuno. O ne a sa rate ka moo batho ba mo tlotlomatsang ka teng.O ne a re, “Lufuno o na le eng seo ke senang sona? Nka busa go mo feta.”

Tsatsi lengwe Kgosigadi Lufuno le Maluṱa ba ne ba buisana ka tsela e siameng ya go abela batho metsi.Ba ne ba sa dumelane mme ba ngangisana.

Seo se ne sa galefisa Maluṱa. Fa fitlha gae, a tlhamalelela go monna wa gagwe.“Nna le Kgosigadi Lufuno ga re a utlwana ka ga kabelo metsi, “a bua ka kutlobotlhoko.

Tshidino a nagana, “Nka dira botoka fa nka nna kgosi.”O ne a tlhotlheletsa mosadi wa gagwe ka mowa o o bosula kgatlhanong le kgosigadi.

Tsatsi le le latelang, Tshidino a kokoanya batho go tla kopanong.A ba bolelela a re, “Re ka seke ra buswa ke mosadi. Nka nna kgosi e e botoka.”

Batho bao ba neng ba kokoane ba nagana ka mafoko a ga Tshidino.Ga ba a ka ba dumelana le ene.

Mongwe o ne a re, “Kgosigadi o pelontle. O agetse bana ba rona dikolo.”Mongwe a re, “Re na le masimo a go lema, gape o netefatsa gore mongwe le mongwe o na le metsi. Ke moeteledipele yo o siameng.”

Wa boraro a tlatsa, “Re busitswe ke batho ba ba farologaneng. Ga ke ise ke bone yo o botlhale jaaka Kgosigadi Lufuno. Dikgosi di tswa mafatsheng a mangwe go tla go batla kgakololo mo go ene.”

Fa Tshidino a utlwa se, a boela gae a šakgetse.Maluṱa o ne a mmolelela a re, “Batho ba Roswika ba buile. O tla tshwanela ke go amogela dikeletso tsa batho.”

Fa kgosigadi a utlwa ka se, o ne a nyenya.Ga a otlhaya Tshidino ka gonne o ne a itse gore ene o falotse.Fa batho ba na le kagiso, ba tswelela, ba itumetse, ba tla tshegetsa baetapele ba bona.