Indlovukazi uLufuno wabusa enarheni yeRoswika.Indlovukazi uLufuno wabe ayikosi elungileko begodu enomusa.Wabe ahlakaniphe khulu.

Indlovukazi yabe iphethe boke abantu eRoswika ngokulingana.Ngokwenza njalo, abantu nabo bayithanda khulu indlovukazi.UMaluṱa wabe angomunye wabayelelisi beNdlovukazi uLufuno abathembekileko.

Unakwakhe likaMaluṱa uTshidino, akhange akuthande ukulunga kweNdlovukazi uLufuno. Bekangayithandi indlela abantu ebebambuka ngakhona.Wathi, “Khuyini uLufuno anayo mina enginganayo? Mina ngingabusa ngcono khulu kunaye.”

Ngelinye ilanga, iNdlovukazi uLufuno banoMaluṱa bebacoca ngendlela ehle abangaphakela ngayo amanzi ebantwini.Bebangavumelani begodu bebaphikisana.

Lokhu kwasilinga uMaluṱa. Lokha nakafika ekhaya, watjhinga bunqopha kunakwakhe.“Indlovukazi uLufuno nami asikavumelani ngokuphakela abantu amanzi,” watjho asilingekile.

UTshidino wazitjela lokhu wathi, “Mina ngingenza ngcono khulu nangabe bengiyikosi.”Wakhuthaza umkakhe bona ahloye indlovukazi.

Ngelanga elilandelako, uTshidino wabizela abantu boke bethresteni emhlanganweni.Wathi kibo, “Angeze sabuswa mfazi. Mina ngizakuba yikosi engcono.”

Abantu bacabangisisa ngamagama akhulunywe nguTshidino.Akhange bavumelane naye.

Abanye bathi, “Indlovukazi iyasicabangela. Yakhele abantwana bethu iinkolo.”Omunye wathi, “Sinamasimu esiwalimako, begodu indlovukazi yenza isiqiniseko sokobana woke umuntu unamanzi. Imdosiphambili omuhle.”

Umuntu wesithathu wangezelela wathi, “Besibuswa babantu abahlukeneko. Akhange khengimbone umuntu ohlakaniphe njengeNdlovukazi uLufuno. Amakhosi abuya kwezinye iindawo eza lapha azokubawa iiyeleliso kuye.”

UTshidino lokha nakezwa lokhu, wakhamba waya ekhaya azele ipotjwana.UMaluṱa wathi kuye, “Abantu beRoswika bakhulumile. Kuzokufanela bona uhloniphe iimfiso zabantu.”

Lokha indlovukazi nayizwa lokhu, yamomotheka.Akhange ijezise uTshidino ngombana beyazi bona ithumbile.Lokha abantu nabanokuthula, banepumelelo begodu bathabile, bazakusekela abadosiphambili babo.