Andile Mji nebunandzi betibalo
Glanice Masilo
Kamogelo Matlawe
Siswati
Longer paragraphs
——
Andile Mji unguchwepheshe wesifundvo setibalo.
-
Lendzaba imayelana nesikhatsi Andile asengumfana, nekutsi wakufundza njani kutsandza tinombolo.1
Andile watalelwa eGqeberha, eMpumalanga Kapa.
-
Bekahlala namake wakhe nababe wakhe. Bebahlala eNew Brighton.-
Dvutane nalapho, bekunendzawo lebitwa ngekutsi kuseTyeni. Mkhulu wakhe abehlala khona.2
Andile bekatsandza kuvakashela mkhulu wakhe, lobenesibaya setinkhomo.
-
Mkhulu wakhe bekambuta atsi, “Tingaki tinkhomo letindvuna, futsi tingaki letinsikati? Tingaki tinkhomo letisesibayeni?”-
Andile wacale wafundza kubala afike ku-10 ngeminwe yakhe. Wase ufundza kubala afike ku-20, ngetintwane takhe! Ngemuva kwaloko wafundza kubala ngakuhlanu.3
Entsatsakusa, kwakhala lichudze. Bekuyinsimbi yesihlanu ngesikhatsi bavuka. Balungela kuyosenga tinkhomo.
-
Ngemuva kwaloko, baya edlelweni letinkhommo lelisentsabeni lesedvutane.-
Bebavame kubuka lilanga kute bati kutsi sengubani sikhatsi.4
Emini, mkhulu wakhe bekambita kutsi ete atokudla. Sikhatsi bekusuke kuyinsimbi yelishumi nakubili.
-
Bekasati sikhatsi sekuya ekhaya. Bekungesikhatsi sekushona kwelilanga.-
Bekabala tinkhomo kute abone kutsi tonkhe tibuyile.5
Ngesikhatsi Andile sekacale esikolweni, babe wakhe wamtsengela liwashi.
-
Bekasebentisa liwashi lakhe kute abale ngakubili, ngakutsatfu nangakune.-
Liwashi lakhe belinetinombolo leticala kukunye lite liyofika kulishumi nakubili.-
Andile bekakwati kubala tintsi letisho li-awa, ihhafu yeli-awa, kanye nemaminithi lasemkhatsini.6
Andile bekakwati kuhlanganisa tinombolo ngenhloko.
-
Bekakwati kubala aye embili nobe aye emuva ngenhloko.-
Ngasikhatsi tinkhomo titala. Andile bekabala ematfole.-
Bekakwati kubala aphindze asho emalanga eliviki netinyanga temnyaka, ngekulandzelana.7
NgaboLesihlanu, bekapakisha sikhwama sakhe kute ayovakashela mkhulu futsi bekahlala lapho ngeMgcibelo nangeLisontfo.
-
NgeMsombuluko, bekabuyela ekhaya kute aye esikolweni.-
Nakuvalwa tikolwa, bekahamba ayovakashela mkhulu.8
Ngesikhatsi Andile acala esikolweni, bebasebentisa ematje netintsi nababala.
-
Bekasebentisa iminwe yakhe kute abhale emhlabatsini. Bekahlanganisa tinombolo emhlabatsini.-
Likilasi labo belingephansi kwesihlahla. Nalina, bebangakwati kuya esikolweni.9
Nasakhulile lomfana waseBrighton, waya kuyofundzela tibalo enyuvesi. Wafundza iminyaka leminyenti.
-
Phrofesa Mji usebenta emkhakheni wetibalo lobitwa ngekutsi yi-statistics.-
Usakwati kusho sikhatsi njengakadzeni, ngekutsi abuke lilanga.10
Lamuhla, Andile Mji unguPhrofesa. Usebentisa iminwe yakhe kungcondvomshini.
-
Usebentisa tinombolo nemagrafu kute acoce tindzaba. Usebentisa tibalo kute acatulule tinkinga.-
Usebentisa i-statistics kute aphendvule imibuto lenjengekutsi, ‘Ngusiphi sibalokhatsi seminyaka yebantfwana labakulesikolwa?’11
Phrofesa Mji usebenta ngabongcondvomshini nangetinombolo.
-
Utsi, “Bongcondvomshini balusito lolukhulu, kepha ngaletinye tikhatsi bayalimala! Lwati lwami luhlala lusengcondvweni yami kute kube sekugcineni.-
Etibalweni, kute lokushintjako. Tibalo tihlale titibalo.”12
Nangu umlayeto waPhrofesa Mji lota kuwe:
-
“Kute utati tibalo, kufanele utetayete kusebenta ngetinombolo.-
Sifundvo setibalo sisho kwati ‘kwenta’. Tibalo yindlela yekwenta. Kufanele ufundze kucabanga ngetibalo.-
Nawenta njalo utawuphumelela!”13
——Imibuto
- Andile wacala njani kufundza ngetinombolo nekubala?
- Ingabe kubalulekile yini kufundza kubala ungasebentisi ngcondvomshini nobe sibali? Chaza imphendvulo yakho.
- Bala ufike eshumini nakubili usebentisa kuphindza ngakubili, ngakutsatfu kanye nakune. Bese ubala uya emuva!
14
——Tincwadzi letikuloluchungechunge
- Andile Mji
- Asnath Mahapa
- Bongani Mayosi
- Charlotte Maxeke
- Mmantsane Moche Diale
- Mulalo Doyoyo
- Tebello Nyokong
- Tshilidzi Marwala
15
——
Lendzaba icanjwe yaphindze yabhalwa ngeSetswana, njengencenye yephrojekthi yetintfo tekufundza te-Zenex Ulwazi Lwethu ya-2020.
16
Attribution CC BY
Your attribution should include the following:
Title: Andile Mji nebunandzi betibalo
Author/s: Glanice Masilo
Translator/s: Simangele Khoza
Illustrator/s: Kamogelo Matlawe
Assurer/s: Mduduzi Benjie Shongwe
Language: Siswati
© Zenex Foundation - Saide 2024
Title: Andile Mji nebunandzi betibalo
Author/s: Glanice Masilo
Translator/s: Simangele Khoza
Illustrator/s: Kamogelo Matlawe
Assurer/s: Mduduzi Benjie Shongwe
Language: Siswati
© Zenex Foundation - Saide 2024
CC BY includes the following elements:
BY
– Credit must be given to the creator
BY
– Credit must be given to the creator