Andile Mji setsibi se seholo sa dinomoro
Glanice Masilo
Kamogelo Matlawe
Sesotho (South Africa)
Longer paragraphs

——


Andile Mji ke setsebi se hlwahlwa sa dipalo.
-
Ena ke pale ya ha Andile e ne e sa le moshanyana, le hore o ile a rata dinomoro jwang.
1
Andile o tswaletswe toropong ya Gqeberha profenseng ya Kapa Botjhabela.
-
O ne a dula le mmae le ntatae. Ba ne ba dula motseng wa New Brighton.
-
Haufi le New Brighton, hone ho ena le motsana o bitswang Tyeni moo ho neng ho dula ntate moholo.
2
Andile o ne a rata ho etela ntate moholo ya neng a ena le sekiri sa dikgomo.
-
Ntate moholo o ne a rata ho mmotsa a re, “Tse tona di kae, tse tshehadi tsona? Di kae kaofela?”
-
Andile o ithutile ho bala ho fihlela ho 10 ka menwana. A tswela pele ho fihla ho 20 ka ya maoto, yaba o bala ka bo hlano.
3
Hoseng mokoko o ne o lla. E ne e le hora ya bohlano ha ba tsoha, ba itokisetsa ho hama dikgomo.
-
Hamorao, ba isa dikgomo thabeng ho ya fula.
-
Ba ne ba sebedisa letsatsi ho bala nako.
4
Motsheare ntatae moholo o ne a mmitsa ho tla ja. Nako e ne e le hora ya 12.
-
O ne a tseba ha e se e le nako ya ho kgutlela hae, ha tsatsi le dikela.
-
O ne a bala dikgomo ho etsa bonnete ba hore di felletse.
5
Ha Andile a qala hoya sekolong, ntatae o ile a mo rekela tshupanako. O ne a sebedisa tshupanako ena ho bala ka bo 2, bo 3 le bo 4.
-
Tshupanako e ne e na le dinomoro ho tloha ho nngwe ho fihlela ho shopedi.
-
Andile o ne a kgona ho bala mela ho fihlella hora e nepahetsenga le metsotso e dipakeng.
6
Andile o ne a kgona ho bala dinomoro ka hlooho. O ne a bala ho ya pele le morao ka kelello.
-
Ha dikgomo di tswala, Andile o ne a atisa le ho bala manamane.
-
O ne a kgona ho bala le ho bolela mabitso a matsatsi a beke le dikgwedi tsa selemo ka tatelano.
7
Ka boLabohlano, o ne a paka mokotla wa hae a etela ntatae moholo ka Moqebelo le Sontaha.
-
Ka Mantaha, o ne a kgutlela hae hore a kgone ho ya sekolong.
-
Ha dikolo di kwala, o ne a tjhakela ntatae moholo.
8
Ha Andile a ne a qala ho ya sekolong, ba ne ba bala ka majwe le dithutswana.
-
O ne a sebedisa menwana ya hae ho ngola mobung. O ne a ithuta ho kopanya dipalo mobung.
-
Phaposi ya hae ya boithutelo e ne le tlasa sefate. Ha pula e na, ba ne ba sa kgone ho ya sekolong.
9
Ha moshanyana wa Brighton a hola, a ya unibesithing ho ya ithuta dipalo. O ithutile dilemo tse ngata.
-
Moprofesa Mji o sebetsa lekaleng la dipalo la dipalopalo.
-
O ne a ntse a kgona ho bala nako ka ho sheba letsatsi jwaloka pele.
10
Kajeno Andile ke Moprofesa Mji. O sebedisa menwana ya hae ho tlanyatsa komporo.
-
O sebedisa dipalo le dikerafo ho bolela pale. O sebedisa dipalo ho rarolla bothata.
-
O sebedisa dipalopalo ho araba dipotso tse jwaloka, “Ke palohare e kae ya dilemo tsa bana sekolong sena?”
11
Moprofesa Mji o sebetsa ka dikomporo le dinomoro.
-
O re, “Dikomporo di molemo haholo empa ka nako enngwe di a senyeha. Tsebo ya ka e ka hloohong ya ka ho ya ho ile.
-
Dipalong ha ho se fetohang, dinomoro di dula di le jwalo kamehla.”
12
Moprofesa Mji o na le molaetsa o latelang bakeng sa hao:
-
“Ho tseba dipalo o lokela ho itlwaetsa ho sebetsa ka dinomoro. Dipalo ke ho tseba ho etsa. Dipalo ke mekgwa.
-
O lokela ho ithuta ho nahana ka dinomoro. Jwale o tla ba mohale.”
13

——Dipotso


  1. Andile o tsebile ka dipalo le ho bala jwang?
  2. Na ho a hlokeha ho bala dipalo ntle le komporo kapa khalkhuleita? Hlalosa.
  3. Bala ho fihlela ho 12 ka bo 2, bo 3 le bo 4, ebe o bala ho ya morao.
14

——Lenane la dibuka tse letotong lena


  • Andile Mji
  • Asnath Mahapa
  • Bongani Mayosi
  • Charlotte Maxeke
  • Mmantsane Moche Diale
  • Mulalo Doyoyo
  • Tebello Nyokong
  • Tshilidzi Marwala
15

——


Buka ena e qapuwe le ho ngolwa ka Setswana ele karolo ya porojeke ya 2020 ya Zenex Ulwazi Lwethu ya dibuka tse balwang.
16
Attribution CC BY
Your attribution should include the following:
Title: Andile Mji setsibi se seholo sa dinomoro
Author/s: Glanice Masilo
Translator/s: Maria Vaz
Illustrator/s: Kamogelo Matlawe
Assurer/s: Nthabiseng Tsatsi, Mathapelo Morake
Language: Sesotho (South Africa)

© Zenex Foundation - Saide 2024

CC BY includes the following elements:
 BY   – Credit must be given to the creator