Letsatsi la Batjha
Zandile Malaza
Simangaliso Sibiya
Sesotho (South Africa)
First paragraphs

——


Mona Afrika Borwa, letsatsi la 16 Phupjane ke letsatsi la phomolo le bitsawang Letsatsi la Batjha.
-
Pale ena e ka ha nalane ya letsatsi lena la phomolo, le tse etsahetseng tsatsing leo selemong sa 1976.
1
“Na o tseba se ileng sa etsahala ka Letsatsi la Batjha ka selemo sa 1976?” Nkgono o botsa ditloholo tsa hae Dineo le Pitso.
-
“Nalane e ile ya etsahala ka 16 Phupjane motseng wa Soweto!” ho bolela nkgono.
2
“Ene e le hoseng ha letsatsi la 16 Phupjane 1976. Ene e le selemo saka sa ho qetela sekolong.
-
Letsatsi leo le ile la fetola nalane,” ke nkgono a tswela pele.
3
“Re ne re le baithuti ba tswang dikolong tse fapaneng Soweto.
-
Re ne re rera ho hwantela Orlando Stadium ho tloha dikolong tsa rona. Re ne re rerile mohwanto wa kgotso.”
4
“Hobaneng ha le ne le batla ho hwanta nkgono?” ho botsa Dineo.
-
Nkgono a hlalosa, “Mmuso wa kgethollo ka mmala o ne o re qobella ho ithuta ka puo ya Afrikaans. Re ne re le kgahlano le molao oo. Re ile ra halefa haholo!”
5
“Re ile ra nka qeto ya ho lokolla baithuti ba Afrika Borwa ba batsho kgatellong.
-
Re ne re batla thuto ya boleng bo phahameng. Re ne re batla thuto e tshwanang bakeng sa bohle Afrika Borwa.”
6
“Jwale ho ile ha etsahalang?” ho botsa Pitso.
-
“Re ne re hwantela kopanong Orlando Stadium. Diketekete tsa baithuti tsa hokahana le rona. Re ne re thabile haholo!”
7
“Ha re ntse re hwanta jwalo, ra hlaselwa ke maponesa!
-
Ba akgela kgase e llisang, mme dintja tsa bona tsa re hlasela le tsona.
-
Re ile ra leka ho ikokobetsa ha re ntse re tswela pele ho tsamaya.”
8
“Yaba ba qala ho re thunya!”
-
“Hona le setshwantsho se tummeng haholo se ileng sa tshosa lefatshe ka bophara.
-
Setshwantsho sa Hector Peterson a kukilwe ke motswalle wa hae,” ho bua Nkgono ka pelo e bohloko.
9
“Ho ile ha fella kae?” Dineo le Pitsoi ba botsa ba seba.
-
“Boipelatso ba Soweto ba tshwaetsa naha yohle ka bophara. Baithuti ba bangata le basebetsi ba joina, ho araba nkgono.
-
Batho lefatsheng ka bophara ba tshehetsa boipelaetso bona.”
10
“Merusu ya Soweto e ne e le bohlokwa twantshong ya kgethollo ka mmala. Re ile ra reha letsatsi leo ‘Soweto Day’. E ile ya eba letsatsi la phomolo ka selemo sa 1995.
-
Dilemong tsa bo 1990, ho ne ho ena le dipontsho tsa mosebetsi wa bonono tse kgahlisang ka merusu ya batjha,” nkgono a hopola.
11
“Selemo se seng le seng ka National Youth Day, MaAfrika Borwa a tlotla batjha bohle ba ileng ba bolawa boipelaetsong boo ba 1976.”
-
“Re hopola batjha ba ileng ba thusa ho fedisa kgethollo ka mmala,” ho bua nkgono ka motlotlo.
12
“Ka Letsatsi la Batjha ho na le diketsahalo dikopano le dikonsarete naheng ka bophara.”
-
Nkgono a qetella ka hore, “Re lokela ho dula re hopola nalane ya naha ya rona.”
-
A bososela mme a aka Dineo le Pitso.
13

——Dipotso


  1. Ke mang ya bolelang pale ena, mme ke mang ya mametseng? Hlalosa hore o tseba jwang?
  2. Baithuti ba ne ba hwantela kae ka 16 Phupjane selemong sa 1976?
  3. Hobaneng ha ba ne ba hwanta?
  4. Letsatsi la 16 Phupjane le bile letsatsi la phomolo neng? Hobaneng?
14

——Lenane la dibuka tse letotong lena


  • Letsatsi la Polelano
  • Letsatsi la Tokoloho
  • Letsatsi la Botjhaba
  • Letsatsi la Ditokelo tsa Botho
  • Letsatsi la bomme
  • Letsatsi la Basebetsi
  • Letsati la Batjha
15

——


Buka ena e qapuwe le ho ngolwa ka puo ya siSwati jwaloka karolo ya porojeke ya 2020 ya Zenex Ulwazi Lwethu ya dibuka tse balwang.
16
Attribution CC BY
Your attribution should include the following:
Title: Letsatsi la Batjha
Author/s: Zandile Malaza
Translator/s: Maria Vaz
Illustrator/s: Simangaliso Sibiya
Assurer/s: Nthabiseng Tsatsi, Mathapelo Morake
Language: Sesotho (South Africa)

© Zenex Foundation - Saide 2024

CC BY includes the following elements:
 BY   – Credit must be given to the creator