Ilanga leluTjha
Zandile Malaza
Simangaliso Sibiya
isiNdebele
First paragraphs

——


ESewula Afrika, umhlaka-16 kuMgwengweni liholideyi lomphakathi elibizwa kobana lilanga leluTjha.
-
Indatjana le ikhuluma ngomlando weholideyi yomphakathi le, nokobana kwenzekani ngelangeli ngomnyaka we-1976.
1
“Ingabe niyazi bona kwenzekani ngelanga leluTjha ngomnyaka we-1976?” ugogo ubuza abazukulwani bakhe, uBuhle noVusi.
-
“Umlando wenzeka ngomhlaka-16 kuMgwengweni eSoweto!” kutjho ugogo atjela abazukulwani bakhe.
2
“Kwakusekuseni ngomhlaka-16 kuMgwengweni ngomnyaka we-1976. Kwabe kumnyaka wami wokugcina esikolweni.
-
Ilanga lelo latjhugulula umlando,” kuraga ugogo.
3
“Sabe sibafundi beenkolo ezihlukeneko eSoweto.
-
Sabe sihlela ukurhwanta ukusuka esikolweni sethu siye etatawu i-Orlando. Sabe siplane ukurhwanta ngokuthula.”
4
“Nanirhwantela ini?” kubuza uBuhle.
-
Ugogo uyahlathulula, “Umbuso webandlululo wabe usikatelela bona sifunde ngelimi lesiBhunu. Sabe singakhambisani nomthetho loyo. Sasilingeka sazala ipotjwana!”
5
“Sasikima sajama ngeenyawo sazitjela bona sizobatjhaphulula abafundi abanzima eSewula Afrika.
-
Sabe sifuna ifundo engcono.
-
Sabe sifuna ifundo elinganako kibo boke eSewula Afrika.”
6
“Yo! Alo kwenzekani ngemuva kwalokho?” kubuza uVusi.
-
“Sabe sirhwantela etatawu i-Orlando ukobana siyokuhlanganela khona. Iinkulungwana zabafundi zazibandakanya. Sabe sithabe kwamanikelela!” kukhumbula ugogo.
7
“Lokha nasirhwantako njalo, amapholisa asisahlela!
-
Basiphosa ngegezi elilisa iinyembezi. Izinja zabo zakhwela phezu kwethu!
-
Salinga ukuzibamba siragele phambili nokukhamba.”
8
“Ngemuva kwalokho bathoma ukudumuza!
-
Kunesithombe esidume khulu esarara iphasi loke.
-
Isithombe sika-Hector Pieterson agugwe mngani wakhe,” kutjho ugogo atlhuwa.
9
“Alo kwaphelela kuphi?” kubuza uBuhle noVusi bahleba.
-
Ugogo uphendula uthi, “Imitjhagalo yeSoweto yasabalala kiyo yoke inarha. Abafundi nabasebenzi abanengi nabo batjhagala.
-
Abantu ephasini mazombe basekela imitjhagalo le.”
10
Imitjhagalo yeSoweto yabe iqakathekile ekulwisaneni nebandlululo. Ilanga lelo salibiza ngokuthi yi-Soweto Day. Laba yiholideyi yomphakathi ngomnyaka we-1995.”
-
Ngeminyaka yabo -1990, kwaba nomkhangiso okarisako wezinto zobukghwari mayelana nomtjhagalo wabantu abatjha,” kutjho ugogo akhumbula.
11
“Qobe mnyaka elangeni leluTjha eliZweni loke, iSewula Afrika ihlonipha abantwana abasesebatjha ababulawa emigurugurwini ka-1976.
-
“Sithulela abantu abatjha ingwani ngokusisiza ukuqeda ibandlululo,” kutjho ugogo azikhakhazisa.
12
“Ngelanga leluTjha kuba nezehlakalo, imibuthano namakhonsadi enarheni mazombe.”
-
“Akukafaneli silibale umlando wenarha yethu,” kutjho ugogo aqeda ikulumo yakhe.
-
Wamomotheka wasingatha uBuhle noVusi.
13

——Imibuzo


  1. Ngubani ococa indatjana le, begodu bobani abalaleleko? Wazi njani?
  2. Bebarhwanta basiya kuphi abantwana eSoweto ngomhlaka-16 kuMgwengweni ngomnyaka we-1976?
  3. Kubayini bebarhwanta?
  4. Ilanga langomhlaka-16 kuMgwengweni labayiholideyi yomphakathi nini, begodu kubayini?
  5. Hlathulula bona 'ukutjhagala ngokuthula' kutjho ini.
  6. Litjho ukuthini igama elithi ‘khumbula’? Itjho amaSewula Afrika amathathu akhunjulwako.
  7. Yabelana netlasi ngezehlakalo ezikhunjulwa khulu emlandwini weSewula Afrika.
  8. Ingabe khewezwa ngama-Gen Z? Khuyini amatshwayo wawo?
14

——Iincwadi eziselungelungeni leli


  • Ilanga lokuBuyisana
  • Ilanga leKululeko
  • Ilanga lamaGugu
  • Ilanga lamaLungelo wobuNtu
  • Ilanga laboMma
  • Ilanga labaSebenzi
  • Ilanga leluTjha

15

——


Indatjana le yatlhanywa begodu yatlolwa ngelimi siSwati, njengengcenye yephrojekthi yeZenex Ulwazi Lwethu ye-2020 yeencwadi ezingafundwa.
16
Attribution CC BY
Your attribution should include the following:
Title: Ilanga leluTjha
Author/s: Zandile Malaza
Translator/s: Sponono Mahlangu
Illustrator/s: Simangaliso Sibiya
Assurer/s: William Jiyana
Language: isiNdebele

© Zenex Foundation - Saide 2025

CC BY includes the following elements:
 BY   – Credit must be given to the creator