Khale wa khaleni, a ku ri na mufana loyi a va ku i Mosimane.A ri na vumunhu na rirhandzu. A rhandza ku ya wisa etlhelo ka nambu.Siku rin’wana loko Mosimane a ri enambyeni, a vona N’wanyoka.

“Xewani N’wanyoka,” ku vula Mosimane.“Xewani,” ku hlamula N’wanyoka.N’wanyoka a byela Mosimane leswaku a nga n’wi fumisa. Mosimane a fanele a n’wi rhwala a n’wi yisa laha a lavaka kona.N’wanyoka a tikomba a tshembekile.

Mosimane a ri munhu wa mahanyelo ma kahle. A pfumela ku rhwala N’wanyoka hi le hlokweni.Va pela nambu swin’we.

Ha la tlhelo, N’wanyoka u kombele leswaku va va vanghana, hikuva yena u hava munghana.Mosimane u pfumerile hi ku kanakana.Endleleni va hlanganile ne N’wamhisi.

“Xewani va ka hina,” ku huwelela N’wamhisi. “Xewani Ttn N’wamhisi,” ku hlamula Mosimane na N’wanyoka hi nkarhi wun’we.“Xana mi ya kwihi n’wina vambirhi?” ku vutisa Ttn N’wamhisi. “Hi ya laha ndzi tsakelaka ku hiya kona,” ku hlamula N’wanyoka. N’wamhisi a hlamarile.

“Xana u kumile mbuyelo wo tsakisa ku va u rhwale N’wanyoka?” N’wamhisi a vutisa Mosimane.Mosimane a nga kalangi a nga vula leswi a tshembisiweke hi N’wanyoka.Mosimane na N’wanyoka va yile emahlweni na riendzo ra vona.

Eka ku famba ka vona enhoveni, Mosimane u ve a karhala.Va hlanganile na Malume N’wamhungubye ehansi ka nsinya.Malume N’wamhungubye a honekele N’wanyoka loyi a titsondzele enhlokweni ya munhu. A nga tshembi leswi a swi vona.A sungula ku hleka.

N’wanyoka a holovela Malume N’wamhungubye a ku, “U hleka yini? Ku hleka swi nga vanga timbholovo!”“Mina na N’wanyoka hi vanghana vakulu!” Mosimane a byela Malume N’wamhungubye.Malume N’wamhungubye a ehleketa nkarhinyana. A sungula ku vulavulela ehansi.

“N’wanyoka, chika enhlokweni ya mina leswaku ndzi ta twa Malume N’wamhungubye kahle.”A ya emahlweni a ku, “N’wanyoka, ndzi ku rhwale ndzi pela na wena nambu. Ndzi ku rhwale ku fika la. Mbuyelo wa mina wu kwihi? A ndzi ehleketa leswaku hi vanghana.”

Malume Phungubye a vutisa, “Van’wanyoka a va tshembekangi?”N’wanyoka a swi vona leswaku Mosimane u khunguvanyekile. A nyokovela a nghena enhoveni.Mosimane u tlhelele kaya a ya byela vanhu hi N’wanyoka. Kufika na namuntlha, tinyoka a ti tshembiwi hi munhu.