Nga ṅwaha wa mmbo na tsikidzi ho vha hu na muṱhannga a vhidzwaho Mosimane.O vha e na mikhwa a tshi funa vhathu. O vha a tshi takalela u awela tsini na mulambo.Ḽiṅwe ḓuvha musi Mosimane e mulamboni o ṱangana na ṋowa.

Mosimane a ri, “Ndaa Ṋowa.”Ṋowa ya fhindula, “Ri a vusa Muṱhomphei.”Ṋowa ya vhudza Mosimane uri i nga mu ita tshigwili. Zwine Mosimane a fanela u ita ndi u i hwala nṱha ha ṱhoho a ya nayo hune ya funa.Ṋowa yo vhonala i tshi fulufhedzea.

Mosimane o vha e muthu wavhuḓi. A tenda u hwala ṋowa nṱha ha ṱhoho.Vha wela vhoṱhe mulambo.

Musi vho no wela mulambo, ṋowa ya humbela uri vha vhe khonani samusi ṋowa dzi si na khonani.Mosimane a tenda a sa timatimi.Musi vhe nḓilani vha ṱangana na Vho Phele.

Phele ya ri, “Ri a vusa mashaka.”“Ri a vusa Vho Phele,” hu fhindula Mosimane na ṋowa nga tshifhinga tshithihi.“Ni khou ya ngafhi?” hu vhudzisa Vho Phele.Ṋowa ya fhindula, “Ri khou ya hune nda funa.” Vho Phele vho vha vho mangala.

Phele ya vhudzisa Mosimane ya ri, “Naa ni a lifhiwa zwavhuḓi nga u hwala iyi ṋowa nṱha ha ṱhoho yaṋu?”Mosimane ho ngo amba tshithu nga zwe ṋowa ya mu fulufhedzisa zwone.Mosimane na ṋowa vha bvela phanḓa na lwendo lwavho.

Vhukati ha lwendo lwavho lulapfu ḓakani, Mosimane a a neta.Vha ṱangana na Malume Phunguhwe tsini na muri u re na murunzi.Malume Phunguhwe vha sedza ṋowa yo katana nṱha ha ṱhoho ya muthu. A vho ngo tenda zwine vha khou zwi vhona. Vha thoma u sea.

Ṋowa ya sema Malume Phunguhwe ya ri, “Vha khou sea mini? U sea zwi vusa dzikhakhathi!”Mosimane a vhudza Malume Phunguhwe a ri, “Nṋe na ṋowa ri khonani khulwane!”Malume Phunguhwe vha fhedza tshifhinganyana vha tshi khou humbula. Vha thoma u amba nga vhulenda.

Mosimane a ri, “Ṋowa itsa nṱha ha ṱhoho yanga uri ndi kone u pfa zwavhuḓi Malume Phunguhwe.”A bvela phanḓa a ri, “Ṋowa ndo u hwala nda u wedza mulambo. Ndo u hwala u swika fhano. Malamba anga a ngafhi? Ndo vha ndi tshi ri ri dzikhonani.”

Malume Phunguhwe vha ri, “A u zwi ḓivhi uri ṋowa a dzi fulufhedzei?”Ṋowa ya zwi vhona uri Mosimane o sinyuwa, ya shavhela ḓakani.Mosimane a humela hayani a vhudza vhathu nga ha ṋowaU swika na ṋamusi, a huna muthu ane a fulufhela ṋowa.