Kgale kgale ho ne ho ena le mohlankana ya bitswang Mosimane.O ne a ikokobeditse a le lerato. O ne a rata ho roba monakedi lebopong la noka.Ka tsatsi le leng ha a ntse a le nokeng, a kopana le noha.

“Dumela noha,” ho rialo Mosimane.“Dumela Monghadi,” ho araba noha.Noha ya bolella Mosimane hore e ka mo etsa morui. Mosimane o ne e ipatlela feela ho rwala noha hlohong mme a e ise moo e batlang.Noha ya shebahala e tshepahala.

Mosimane o ne a ena le botho. A dumela ho rwala noha hlohong.Ba tshela noka mmoho.

Ha bale ka nqane ho noka, noha ya kopa hore ebe metswalle, hobane dinoha di sena metswalle.Mosimane a dumela ntle ho qeaqeo.Tseleng ba kopana le ntate Phiri.

“Batho ba ka dumelang,” ho dumedisa phiri.“Dumela ntate Phiri,” ho araba Mosimane le noha hong.“Bobedi ba lona le ya kae?” ho botsa ntate Phiri.“Re ya moo ke ratang re ye teng,” ho araba noha. Ntate Phiri o ne a maketse.

“Na o fumana moputso o motle ha o rwetse noha hlohong jwalo?” Ntate Phiri o botsa Mosiane.Mosimane a se re letho ka hoo noha e mo tshepisitseng hona.Mosimane le noha ba tswela pele ka leeto la bona.

Ha ba ntse ba le leetong la bona morung, Mosimane a kgathala.Ba kopana le malome Phokojwe pela sefate se moriti.Malome Phokojwe a sheba noha e ikharileng hlohong ya mohlankana. O ne a sa kgolwe mahlo a hae. A qala ho keketeha.

Noha ya halefela malome Phokojwe ya re, “Ke hobaneng ha o tsheha? Ho tsheha ho ka qabanya!”“Noha le nna re metswalle!” ho rialo Mosimane ho malome Phiri.Malome Phiri a nahana sebakanyana. Jwale a qala ho buela fatshe.

“Noha, theoha hlohong ya ka ke tle ke tsebe ho utlwa malome Phokojwe hantle,” ho rialo Mosimane.A tswela pele, “Noha, ke o rwetse ho tshela noka. Ke o rwetse ho fihlela mona. O kae moputso wa ka? Ke nahanne hore re metswalle.”

Malome Phokojwe a botsa, “Na ha o tsebe hore dinoha ha di tshepahale?”Noha ya elellwa hore Mosimane o ya ferekana mme ya theoha ya dikella morung. Mosimane a ya hae mme a qoqela batho ka ha noha.Ho fihlela kajeno dinoha ha di tshetjwe ke motho ofe kapa ofe.