Mukomana wanga Sello, ha pfi nḓevheni.U davhidzana nga Luambo lwa Zwanḓa.Ri tshi vuwa, ri a lumelisana.“Ndi matsheloni!” ri tshi amba nga zwanḓa.

Sello u amba na khovhe dzashu nga Luambo wa Zwanḓa musi ri tshi dzi ṋea zwiḽiwa.“Hu rini, no vuwa?” u a vhudzisa.

Arali nda lindela tshifhinga tshilapfu u shumisa kamarani ya u ṱamba, ndi funga lunzhilunzhi luvhone lwa kamara.Ndi vha ndi tshi khou vhudza Sello , “Ndi tea u dzhena!”

Ri swiela tshitupu, ra tupula tsheṋe ngadeni.“Vhonani tshivhungu tshiṱuku!” ndi tshi amba na Sello nga zwanḓa.Ri khou guda nga zwivhungu tshikoloni.

Nga masiari, mme ashu vha ri ruma.“Ndi khou humbela uri ni renge mafhi na swigiri, ndi ḓo baka khekhe,” Vha tshi amba nga zwanḓa.

Ri tshi swika badani, nda thoma u pfuka.Sello a nkokodza tshanḓa. A amba nga zwanḓa, “Imani! Ni fanela u sedza u thoma!”Ri tshi swika vhengeleni, ri a fhandekana. Sello u ṱoḓa swigiri, nṋe nda ṱoḓa mafhi.

Swigiri i nṱhanṱha lune Sello ha koni u i swikelela.U humbela thuso kha muthu muhulwane. Fhedzi muthu muhulwane ha ḓivhi Luambo lwa Zwanḓa.Sello u ṅwala mbudziso kha kubugwana kwawe a re nakwo.

Hayani, ra baka khekhe na mma.Yo no fhola, ra i nakisa nga khirimu.“I khou ḓifha!” Sello u amba nga zwanḓa o no thetshela khirimu.

Ra ita tie ra ṋea makhulu.“Ndi a livhuha,” makhulu vha amba nga zwanḓa.“Na riṋe ro takala,” mukomana wanga u ralo nga zwanḓa.

Ro no ḽa, ra kunakisa ṱafula.“Ni ḓo ṱanzwa zwigoḓelo!” Sello u ralo nga zwanḓa.

Ri sa athu eḓela, ri a kuvhatedzana.Ra amba nga zwanḓa, “Khofhe dzavhuḓi.”

Luambo lwa ZwanḓaLuambo lwa Zwanḓa ndi luambo lwa vhathu vha sa pfi nḓevheni.Roṱhe ri nga lu guda.Lu fana na dziṅwe nyambo, fhedzi lwone a lu na mibvumo.