Dzadzewetfu, Sello, akeva etindlebeni.Ukhuluma nami ngeLulwimi Lwetandla.Nasivuka, siyabingelelana.“Kusile!” sikhuluma ngetandla.

Nasipha tinhlanti tetfu kudla, Sello ukhuluma nato ngetandla.“Sanibonani, ninjani?” uyatibuta.Ukhuluma nato ngeLulwimi Lwetandla.

Nasengilindze sikhatsi lesidze ngaphandle endlini yekugeza, ngicisha sibani ngiphindze ngisikhanyise.Ngisuke ngitsi kuSello, “Hheyi, nami sengifuna kungena!”

Sishanyela situbhe siphindze sikhiphe lukhula engadzeni.“Buka, sibungu lesincane!” ngitjela Sello ngetandla.Sifundza ngetibungu esikolweni.

Ntsambama ngalelolanga, make wetfu usitfuma esitolo.“Ngicela ningitsengele lubisi nashukela, ngifuna kubhaka likhekhe,” ukhuluma ngetandla.

Nasifika emgwacweni, ngiyawela. Sello ubamba umkhono wami.Ukhuluma ngetandla utsi, “Mani! Khumbula kutsi kufanele ucale ucalate kucala!”Nasifika esitolo, siyahlukana. Sello ufuna shukela, mine ngifuna lubisi.

Ucela umuntfu lomdzala kutsi amsite.Kepha lomuntfu lomdzala akalwati Lulwimi Lwetandla.Sello ubhala umbuto wakhe entfweni yekubhala layiphetse.

Nasifika ekhaya, sibhaka likhekhe namake.Naselipholile, siyali-ayisa.“Imnandzi!” Sello ukhuluma ngetandla njengobe anambitsa i-ayisingi.

Senta litiya bese siniketa gogo wetfu.“Ngiyabonga,” kusho gogo ngetandla.“Kulungile,” kusho dzadzewetfu ngetandla.

Nasesicedzile kunatsa litiya, sisusa titja etafuleni.“Nguwe logeza titja!” Sello usho ngetandla.

Ngembikwekutsi siyolala ebusuku, siyagacana.“Ulale kahle,” sikhuluma ngetandla.

Lulwimi LwetandlaLulwimi Lwetandla lulwimi loluyinhloko lwebantfu labangeva etindlebeni.Wonkhe umuntfu angalufundza.Lulwimi Lwetandla lufanana nato tonkhe tilwimi, ngaphandle nje kwekutsi lute imisindvo.