Sesi wa ka, Sello, ke sefoa.O bolela ka Polelo ya Diatla.Ge re tsoga, re a dumedišana.“Thobela!” re a šupetša.

Ge re fepa dihlapi tša rena, Sello o a šupetša.“Dumela, o kae?” O a botšiša.O bolela le tšona ka Polelo ya Diatla.

Ge ke letile ka ntle ga phapoši ya bohlapelo nako ye telele, ke phadimiša lebone gantši.Ke mmotša go re, “Ntšhuthelele ke sebaka sa ka!”

Re swiela setupu, ra topa ditlakala ka serapeng. “Bona seboko se sennyane!”Ke šupetša Sello. Re ithuta ka diboko sekolong.

Mosegare mma o re roma lebenkeleng.“Le reke maswi le swikiri, ke nyaka go paka khekhe,” a šupetša.

Ge re fihla tseleng, ke thoma go putla mmila.Sello o ntshwara ka letsogo. O a ntšhupetša, “Ema! Gopola go lekola mmila pele o tshela!”Ka lebenkeleng, re a arogana. Sello a nyaka swikiri, nna ke nyaka maswi.

Swikiri e godimo ga raka yeo e lego ye telele go Sello.A kgopela thušo go motho yo mogolo. Motho yoo ga a kwešiše Polelo ya Diatla.Sello o ngwala kgopelo ya gagwe pampiring.

Ka gae, re paka khekhe le mma.Ge e fodile, re a e aesa.“E monate!” Sello o šupetša ka diatla a latswa aesing.

Ra direla koko teye.“Ke a leboga,” koko a šupetša ka diatla.“Go leboga nna,” sesi a šupetša ka diatla.

Ka morago ga go nwa teye, ra phutha.“Wena o hlatswa dibjana!” Sello a šupetša.

“O robale gabotse,” Ra šupetšana, ra gokarana pele re robala.

Polelo ya Diatla.Ke polelo ya bohlokwa ya difoa.Ka moka re ka ithuta yona.E swana le dipolelo tše dingwe efela ga e na modumo.