Naka na Nala vha guda nga ḽifhasi
Connie Makgabo
Vusi Malindi
Tshivenḓa
First paragraphs
Naka na Nala vha ngadeni yavho. Vha khou kunakisa na u ṱavha miroho.
-
Nala a ri, “Ndi ngani ri tshi khou shuma ngaurali ḓuvhani?”
1
Naka o takala, “Ri khou shuma nga maanḓa ngauri ri funa ḽifhasi ḽashu na hune ra dzula hone!”
-
A engedza, “Vhana vha aluwa zwavhuḓi fhethu ho kunaho.”
2
Naka a ri, “Ri ṱavha miroho uri ri ḽe zwiḽiwa zwi re na mutakalo.”
-
Nala a ri, “U ṱavha miroho zwi dovha zwa vhulunga tshelede.”
3
“No vha ni tshi khou ri mini nga ḽifhasi? Mmbudzeni?” Nala u a kombetshedza.
-
Naka a ri, “Kha ri dzule fhasi ndi ni vhudze zwiṅwe nga ḽifhasi ḽashu.”
4
Naka a thoma, “Ḽifhasi ndi puḽanete ya gumba ine ra dzula khayo. I na vhathu vha ṱoḓaho u vha biḽioni dza malo! Ḽifhasi ḽi mona ḓuvha.”
5
Naka a ṱalutshedza, “Ḽifhasi ḽo itwa nga mavu, muya, na maḓi. Zwithu zwi tshilaho zwi tshila nṱha ha ḽifhasi ngauri ngomu haḽo hu a fhisesa.”
6
Nala u a mu thithisa, “Ndi ngani ri sa tekulelwi nnḓa ha ḽifhasi?”
-
“Naka a fhindula, “Maanḓa a kokodzelaho fhasi zwithu a ita uri ri si tekulee.”
7
“Ri nga ṱhogomela hani ḽifhasi?” Nala u a vhudzisa.
-
Naka a fhindula, “Ri songo tshikafhadza ḽifhasi. Ri fanela u vusulusa na u fhungudza mathukhwi.”
8
Naka u isa phanḓa, “Ri tea u vusulusa mapulasiṱiki, mabammbiri, maboḓelo, na zwikoṱikoṱi. Zwi a konadzea u ita zwithu zwiswa nga zwithu zwo vusuluswaho. Ri laṱesa zwithu zwinzhi.”
9
Naka u a phetha, “Ri fanela u ṱhogomela ḽifhasi ngauri ri a ḽi ṱoḓa uri ri tshile.”
-
Nala u ri, “Kha ri vhuyelele mushumoni!”
10

——Mbudziso


  1. Nala na Naka vha khou ita mini? Ndi ngani?
  2. Ṅwalani mbuno nṋa nga puḽanete yashu.
  3. Ndi ngani ri tshi fanela u ṱhogomela ḽifhasi?
  4. Zwi amba mini u vusulusa zwithu?
  5. Hu nga vusuluswa mini? Ṅwalani tsumbo.
  6. Ri nga dovha ra ita mini u tsireledza ḽifhasi?
11
Attribution CC BY
Your attribution should include the following:
Title: Naka na Nala vha guda nga ḽifhasi
Author/s: Connie Makgabo
Translator/s: Doris Manyamalala
Illustrator/s: Vusi Malindi
Assurer/s: Tshedza Tlhako
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator