Naka naNala bakhuluma ngemhlaba
Connie Makgabo
Vusi Malindi
Siswati
First paragraphs
Naka naNala basengadzeni yabo. Bayalima, futsi batjala tibhidvo.
-
“Yini lesenta sisebente kangaka elangeni?” kubuta Nala.
1
“Sisebenta ngekutikhandla ngobe siyawutsandza umhlaba nendzawo lesihlala kuyo!” kusho Naka.
-
“Bantfwana bakhula kahle endzaweni lehlantekile,” uyengeta.
2
“Siphindze sitjale tibhidvo kute sidle kudla lokunemsoco,” kuchubeka Naka.
-
“Kantsi futsi kutjala tibhidvo tetfu konga imali,” kusho Nala.
3
“Konje bewutsini ngemhlaba? Ngicela ungitjele lokwengetiwe?” kuncenga Nala.
-
Naka utsi, “Asihlale phasi, ngitakutjela lokutsite ngemhlaba wetfu.”
4
Naka uyacala, “Umhlaba uyiplanethi leyindingilizi lesihlala kuyo. Emhlabeni kunebantfu labacishe babe tigidzigidzi letisiphohlongo! Umhlaba uhamba ujikelete lilanga.”
5
“Umhlaba wakhiwa ngumhlabatsi, umoya, kanye nemanti. Tintfo letiphilako tiphila ngetulu kwaleplanethi ngobe ngekhatsi kuyo kushisa kakhulu,” kuchaza Naka.
6
Nala umngena emlonyeni, “Yini leyenta kutsi singawi phasi emhlabeni?”
-
“Sibanjwa ngemandla atibutse. Lamandla asenta sinamatsele kuleplanethi,” kuphendvula Naka.
7
“Singawunakekela njani umhlaba?” kubuta Nala.
-
Naka uyaphendvula, “Kufanele singawungcolisi umhlaba. Kufanele sigucule tintfo lesetisebentile futsi sinciphise inkhukhuma yetfu.”
8
Naka uyachubeka, “Kufanele sigucule bese sisebentisa kabusha emapulasitiki, emaphepha, tingilazi, kanye netikotela. Singakhona kwakha letinye tintfo letinsha sisebentisa tintfo lesitiguculile. Tinyenti kakhulu tintfo lesitilahlako.”
9
Naka uyaphetsa, “Kufanele siwunakekele umhlaba ngobe bantfu kudzingeka bahlale kuwo.”
-
Nala uyamangala, “Asibuyele emsebentini!”
10

——Imibuto


  1. BoNala naNaka bentani? Kungani?
  2. Bhala tintfo leti-4 letimayelana neplanethi yetfu.
  3. Kungani kufanele siwunakekele umhlaba?
  4. Kusho kutsini ‘kugucula’ tintfo?
  5. Ngutiphi tintfo lesingatigucula? Bhala phasi tibonelo.
  6. Yini lenye lesingayenta kute sivikele umhlaba?
11
Attribution CC BY
Your attribution should include the following:
Title: Naka naNala bakhuluma ngemhlaba
Author/s: Connie Makgabo
Translator/s: Simangele Khoza
Illustrator/s: Vusi Malindi
Assurer/s: Mduduzi Benjie Shongwe
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator