UNaka noNala bakhuluma ngephasi
Connie Makgabo
Vusi Malindi
isiNdebele
First sentences
UNaka noNala basesivandeni sabo. Bayahlwengisa, bebatjala nemirorho.
-
“Kubayini sisebenza budisi kangaka elangeni?” uNala ukhokha ummoya.
1
“Sisebenza budisi ngombana sithanda iphasi kanye nebhoduluko lethu!” kutjho uNaka.
-
“Abantwana bakhula kuhle ebhodulukweni elihlwengekileko,” uyangezelela.
2
“Begodu, sitjala imirorho ukwenzela bona sidle ukudla okunepilo,” kuraga uNaka.
-
“Ukutjala imirorho yethu kungasongela nemali,” kutjho uNala.
3
“Bewuthini ngephasi? Ngitjela okhunye?” uNala uyagandelela.
-
UNaka uthi, “Asihlale phasi, ngizakutjela okuthileko ngephasi.”
4
UNaka uyathoma, “Iphasi yiplanethi erono esiphila kiyo. Abantu abamabhiliyoni abunane baphila la!Iphasi likhamba lizombe ilanga.”
5
“Iphasi lenziwe ngenarha, ummoya, kanye namanzi. Izinto eziphilako ziphila ehlangothini elingaphezulu leplanethi ngombana kutjhisa bhe ngaphakathi,” kuhlathulula uNaka.
6
UNala umngena emlonyeni, “Kubayini singawi ephasinapha?”
-
“Amandla wokudosana kwezinto ayasibamba lapha. Amandla la asidosela eplanethini,” kuphendula uNaka.
7
“Singalinakekela njani iphasi?” kubuza uNala.
-
UNaka uyaphendula, “Kufanele singasilaphazi iphasi. Kufanele sivuselele kabutjha izinto bese siphungula iinzibi zethu.”
8
UNaka uyaraga, “Kufanele senze kabutjha iimplastiki, amaphepha, amarhalasi, namabhlege. Kuyakghonakala ukwenza izinto ezitja ngezinto ezivuselelekako. Silahla izinto ezinengi khulu.”
9
UNaka uyaphetha, “Kufanele sinakekele iphasi ngombana abantu bayalitlhoga ukobana baphile.”
-
“Kufanele sibuyele emsebenzini!” kutjho UNala.
10

——Imibuzo


  1. Khuyini okwenziwa nguNala noNaka? Kubayini?
  2. Tlola amaphuzu ama-4 ngeplanethi yethu.
  3. Kubayini kufanele sinakekele iphasi?
  4. Kutjho ukuthini ‘ukuvuselela’ izinto?
  5. Khuyini okungavuselelwa? Rhelisa iimbonelo.
  6. Zingaki iinarhakazi ezikhona ephasini? Zitjho kusuka kezikulu khulu ukuya kezincani khulu.
  7. Rhelisa iinarha ze-Afrika ezili-10 ezinenani eliphezulu labantu.
11
Attribution CC BY
Your attribution should include the following:
Title: UNaka noNala bakhuluma ngephasi
Author/s: Connie Makgabo
Translator/s: Vusi Mahlangu
Illustrator/s: Vusi Malindi
Assurer/s: Sponono Mahlangu
Language: isiNdebele

© Zenex Foundation - Saide 2025

CC BY includes the following elements:
 BY   – Credit must be given to the creator