Naka na Nala vha guda nga ha tshikhala
Refilwe Ramagoshi
Busisiwe Ndlovu
Tshivenḓa
First paragraphs
Nala na Naka vha khempeni ya tshikolo.
-
Vha atha madennde avho, vha sedza u kovhela ha ḓuvha ḽitswukutswuku.
-
Nala o takala, a ri, “ḽo nakesa.”
1
Vha sedza ḓuvha ḽi tshi suvhela Vhukovhela.
-
Naka u ri, “Ṅwedzi wo ḓala ṋamusi,” u ralo o sedza ṅwedzi u tshi ṱavha Vhubvaḓuvha.
2
Vhana vha ganama u itela u guda nga ha lutombo vhusiku.
-
Naka o akhamala, “Hu na ṋaledzi nnzhinnzhi, nahone dzi penya sa daimane!”
3
U ri, “Ṅwedzi u penya ngauri u khou vhonetshelwa nga ḓuvha. Musi ṅwedzi wo ḓala, zwi vhonala u nga ṅwedzi wo fungwa woṱhe.”
4
Nala a tenda, “Ṅwedzi u mona ḽifhasi. Nga zwiṅwe zwifhinga ri vhona tshipiḓa fhedzi tsha ṅwedzi, nahone tshi nga muomva.”
5
U bvela phanda, “Musi wo ḓala, ṅwedzi u fana na bola ya milenzhe. Musi ṅwedzi u tshi fhira, ri vhona tshipiḓa tsha ṅwedzi, u tshi nga muomva.”
6
Naka a tshi ḓirwa khana, “Ndi a zwi ḓivha hezwo! Ndi ḓivha uri ṅwedzi u mona ḽifhasi, nahone ṅwedzi na ḽifhasi zwi mona ḓuvha.”
7
Nala a ṅwethuwa, “Ni a zwi ḓivha uri ḓuvha ndi ṋaledzi?”
-
A engedza, “Ḓuvha ndi ṋaledzi khulwanesa yo vhumbwaho nga gese dzi fhisaho, dzine dza ita tshedza na mufhiso.”
8
Naka a ṱhogomela, “Hu si na mavhone a dziḓoroboni, ri vhona lutombo zwavhuḓi vhusiku. Tshikhala tshi thoma nga nṱha ha mufhe wo tangaho ḽifhasi, fhedzi tshikhala tshi fhelela ngafhi.”
9
Nala a mwemwela, “Ri ḓo vha “dzi ‘astronaut’,” ra enda nga mutshini wa luvhilo wa tshikhalani. Ri ḓo fhira puḽanete na dziṋaledzi. Ngauralo ri ḓo ḓivha hune tshikhala tsha fhelela hone.”
10

——Mbudziso


  1. Tshenetshi tshiṱori tshi amba nga vho-nnyi? Vha khou ita mini?
  2. Ṅwedzi wo ḓalaho ndi mini? U oleni.
  3. Ṅwedzi u ṱavha thungo ifhio?
  4. Ndi ifhio ṋaledzi i re tsinitsini na ḽifhasi?
  5. Hu na puḽanete dza malo. Wanani madzina adzo.
  6. Olani ḓuvha na dzipuḽanete.
11
Attribution CC BY
Your attribution should include the following:
Title: Naka na Nala vha guda nga ha tshikhala
Author/s: Refilwe Ramagoshi
Translator/s: Doris Manyamalala
Illustrator/s: Busisiwe Ndlovu
Assurer/s: Tshedza Tlhako
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator