Naka naNala bakhuluma ngemkhatsi
Refilwe Ramagoshi
Busisiwe Ndlovu
Siswati
First sentences
Nala naNaka basekhempini nesikolwa.
-
Bavula emathende abo bese babuka kushona kwelilanga lokukhatimulako.
-
“Maye lihle!” kusho Nala ajabulile.
1
Babukela lilanga late layoshona ngale enshonalanga.
-
“Kunenyanga legcwele lamuhla ebusuku,” kusho Naka njengobe inyanga ivela ngasemphumalanga.
2
Labantfwana balala ngemihlane base babukisisa sibhakabhaka ebusuku.
-
Naka uyababata, “Hawu! Maye tinyenti tinkhanyeti, futsi tikhatimula sengatsi ngemadayimane.”
3
Naka uyachubeka, “Lokwenta inyanga ikhatimule yingobe idvonsa kukhanya kwelilanga. Nangabe kunenyanga legcwele, kuba shengatsi yonkhe inyanga ibasiwe.”
4
Nala uyavuma, “Inyanga ijikeleta emhlabeni. Ngaletinye tikhatsi sikhona kubona kukhanya kwencenye lencane yenyanga, futsi isuke ifanana nabhanana.”
5
Uyachubeka, “Inyeti ibukeka sengatsi yibhola nayigcwele.
-
Njengoba kuchubeka inyanga, sibona inyeti leyihhafu, ibukeka njengabhanana.”
6
Naka usho ngekutigcabha, “Ngiyakwati loko! Ngiyati nekutsi inyanga ihamba itungelete umhlaba, futsi kona kokubili kutungeleta lilanga.”
7
Nala uyamamatseka, “Bewati yini kutsi lilanga nalo liyinkhanyeti?”
-
Uyengeta, “Lilanga liyinkhanyeti lenkhulu lekhipha emagesi lashisako, futsi liveta kukhanya nekushisa.”
8
Naka uyaphawula, “Natingekho tibani tasemadolobheni lamakhulu, siyakhona kusibona kahle sibhakabhaka ebusuku. Umkhatsi ucala ngetulu kwemoya lotungelete umhlaba, kepha uphelela kuphi umkhatsi?”
9
Nala uyamoyitela, “Kuncono sibe bosomkhatsi sindize sihambe ngendiza lenelitubane lelikhulu kakhulu. Sitawukhona kwendlula nemaplanethi netinkhanyeti letikhashane kakhulu. Sitobese siyati-ke kutsi umkhatsi uphelela kuphi.”
10

——Imibuto


  1. Lendzaba ikhuluma ngabobani? Yini labayentako?
  2. Iyini inyanga lephelele? Yidvwebe.
  3. Iphuma ngakuphi inyanga?
  4. Nguyiphi inkhanyeti lesedvute kwemhlaba?
  5. Kunemaplanethi la-8. Tfola emagama awo.
  6. Dvweba sitfombe selilanga nemaplanethi.
  7. Usebenta njani umkhumbi-mkhatsi?
  8. Ucabanga kutsi kudzingeka ufundzele ini kuze ube ngusomkhatsi (astronaut) ?
11
Attribution CC BY
Your attribution should include the following:
Title: Naka naNala bakhuluma ngemkhatsi
Author/s: Refilwe Ramagoshi
Translator/s: Simangele Khoza
Illustrator/s: Busisiwe Ndlovu
Assurer/s: Mduduzi Benjie Shongwe
Language: Siswati

© Zenex Foundation - Saide 2025

CC BY includes the following elements:
 BY   – Credit must be given to the creator