UNaka noNala bakhuluma ngomkhathi
Refilwe Ramagoshi
Busisiwe Ndlovu
isiNdebele
First sentences
UNala noNaka basekampeni yesikolo.
-
Bahloma iintende zabo bese babukela ilanga esele libovu litjhinga.
-
“Lihle,” kutjho uNala ngokuthaba.
1
Babukela ilanga litjhingela ngemva kwehorayizoni etjingalanga.
-
“Namhlanje kunenyezi ezeleko,” kuyelela uNaka njengoba inyezi iphuma epumalanga.
2
Abantwana balala ngemigogodlha yabo bese bafunda isibhakabhaka sebusuku.
-
UNaka uyababaza, “Wuu, kuneenkwekwezi ezinengi, begodu ziphazima njengamadayimani!”
3
Uyatjho, “Inyezi iphazima ngombana ibuyisa umkhanyo welanga. Lokha nakunenyezi ezeleko, kuqaleka ngasuthi inyezi yoke itikiwe.”
4
UNala uyavuma, “Inyezi ikhamba izombeleze iphasi. Kesinye isikhathi sibona ingcenye yomkhanyo wenyezi kwaphela, begodu iqaleka njengebhanana.”
5
Uyaraga, “Inyezi nayizeleko ifana nebholo yeenyawo. Lokha inyanga nayikhambako, sibona inyezi ehafu, begodu ibe nejamo lebhanana.”
6
UNaka utjho ngokuzikhakhazisa, “Bengikwazi lokho! Ngiyazi nokuthi inyezi ikhamba mazombe nephasi, begodu inyezi nephasi zikhamba zizombe ilanga.”
7
UNala uyamomotheka, “Uthi bewazi bona ilanga liyikwekwezi?”
-
Uyangezelela, “Ilanga liyikwekwezi ekulu yokutjhisa iinrhasi, yenze umkhanyo nomtjhiso.”
8
UNaka uyayelela, “Amalampa wedrobheni nakangekho, sibona isibhakabhaka kuhle. Umkhathi uthoma ngaphezu kwelarha lomoya mazombe nephasi, kodwana umkhathi uphelelaphi?”
9
UNala uyamomotheka, “Sizakuba ma-astronathi begodu sikhambe ngesitjuzi semkhathini esimsinya khulu. Sizokuphapha sidlule amaplanethi neenkwekwezi ezikude khulu. Bese, sizokwazi bona umkhathi uphelelaphi.”
10

——Imibuzo


  1. Indatjana le imayelana nabobani? Benzani?
  2. Khuyini inyezi ezeleko? Idwebe.
  3. Inyezi iphuma kuphi?
  4. Ngiyiphi ikwekwezi eseduze khulu nephasi?
  5. Kunamaplanethi abu-8. Thola amabizo wawo.
  6. Dweba isithombe selanga namaplanethi.
  7. Usebenza njani umkhumbi-mkhathi?
  8. Ucabanga bona kufanele ufunde ini ukobana ube yi-astronothi?
11
Attribution CC BY
Your attribution should include the following:
Title: UNaka noNala bakhuluma ngomkhathi
Author/s: Refilwe Ramagoshi
Translator/s: Vusi Mahlangu
Illustrator/s: Busisiwe Ndlovu
Assurer/s: Sponono Mahlangu
Language: isiNdebele

© Zenex Foundation - Saide 2025 (Updated Edition)

CC BY includes the following elements:
 BY   – Credit must be given to the creator