Kwena le Kgabo e ne e le ditsala tse di tlhotlhwa.
-
Kwena o ne a nna mo nokeng.
-
Kgabo o ne a nna mo setlhareng go bapa le noka.
1
Kwena o ne a ja ditlhapi mo nokeng.
-
Kgabo o ne a ja maungo mo ditlhareng.
2
Ngwana wa ga Kwena o ne a lwala thata.
-
Nkokoagwe o ne a re, “O tla fodisiwa fela ke sebete sa Kgabo.”
3
Kwena a laletsa Kgabo kwa ntlong ya gagwe mo nokeng.
-
A mo tshepisa go mmelega go mo kgabagantsha noka.
4
Erile ba le mo gare ga noka kwena a itsise kgabo fa a lwallwa ke ngwana.
-
“O tla fodisiwa ke sebete sa kgabo fela,” ga bua Kwena ka kutlobotlhoko.
5
"O ka bo o buile pele re tsamaya, ga ke a tshola sebete, se nna mo setlhareng sele," ga bua Kgabo.
6
Kwena a go folosa Kgabo fa losing gore a se late.
-
Kwena a leta.
7
O ne a mo emela nako e telele, Kgabo a ska a boa.
8
Your attribution should include the following: Title: Kwena le Kgabo e ne e le ditsala Author/s: Ntombikayise Malaza Translator/s: Lorato Trok Illustrator/s: Sibusiso Khumalo Assurer/s: Dineo Moatshe, Opelo Thole Language: Setswana
– Credit must be given to the creator