Kalekale, muḓanani wa Mbhokota, ho vha hu tshi dzula ṅwananyana ane a pfi Tsakani.Tsakani o vha a si na dzikhonani, zwa ita uri a dzule e na vhumvumvu.O ṱoḓa muthu ane a nga vhumba nae zwitambiswa zwa vumba, dzikhali, dzibigiri, na dzikholomo. Hovha hu si na muthu.

Makhulu vha zwi ṱhogomela vha ri, “Tsakani u tamba nga matombo ḓuvha ḽiṅwe na ḽiṅwe. A si zwavhuḓi. Ndi ḓo ita puḽani.”Makhulu vho vha vha tshi kona u vhaḓa. Vha kona u vhaḓa dzinḓou khulwane, na vhathu vha bvumo.Makhulu vha vhaḓa tshiṅwe na tshiṅwe tshine tsha ḓa muhumbuloni.

Musi Tsakani a tshi khou tamba nga matombo, Makhulu vha khou mu vhaḓela mupopi wa thanda.Mupopi wa thanda wo vha u tshi kona u dzula na u tshimbila, arali fhedzi u tsini na Tsakani.“Makhulu wanga, a hu na a no nga vhone,” ndi Tsakani o takala a tshi vhona mupopi.

Makhulu vha sia Tsakani na mupopi wa thanda musi vho fara lwendo.Tsakani o vha o takalela u tamba nga mupopi wa thanda. Nga u ṱavhanya a dovha a borea.Mupopi u a dzula na u tshimbila, fhedzi a u ambi. A hu na muthu ane a nga amba nae.

Nga zwenezwo Makhulu vha vhaḓa muṅwe mupopi une wa ḓo tshimbila, u dzula, na u amba.Tsakani a takala nga maanḓa. O ita na u tshina mutshino wawe wa gundo. A ri, “Makhulu wanga, a hu na a no nga vhone, ndo takala nga maanḓa.”Vho tamba vhoṱhe u swika ḽi tshi kovhela.

Tsakani u funa u tshina, fhedzi mupopi wa thanda wo vha u sa tshini.U funa u tshina mutshino wa dakalo, wa gundo, na wa xibelani.O vha a tshi ṱoḓa u ya ngei na ngei, e si eṱhe, e na khonani yawe ya thanda, Ho vha hu si na muthu.

Makhulu vha kona u ita tshiṅwe na tshiṅwe nga vumba na thanda.Vho vhaḓa mupopi wa thanda, wo ambaraho malungu na vhukunda, wa ambara na xibelani.Hoyu mupopi wo vha u na mivhala minzhiminzhi. U tshi kona u tshimbila, u dzula, u amba na u tshina.

Tsakani na mupopi vha thetshelesa nyimbo nahone vha tshina vhe vhavhili.U bva nga ḽeneḽo ḓuvha musi a songo ya tshikoloni, Tsakani o vha a tshi tamba nga mipopi ye a i vhaḓelwa nga Makhulu.Tsakani o vha a si tsheena vhumvumvu.

Musi Makhulu vha tshi vhona nḓila ye Tsakani a takala ngayo, vho vhaḓela ṅwana muṅwe na muṅwe wa muḓanani mupopi wa thanda.Vho dovha vha vhaḓa na zwiṅwe zwifanyiso zwinzhi zwa u khavhisa.Shango ḽoṱhe ḽo kona u vhona mishumo ya vhutsila ha zwanḓa ya Makhulu.