Kgale kgale, motseng o dithaba wa Mbhokota, ho ne ho dula ngwanaynana ya bitswang Tsakani.Tsakani o ne a sena metswalle, ke ka hoo a dulang a hlorile.O ile a batla ngwana yeo a ka bopang dibapadiswa tsa letsopa le yena, ho bopa dipitsa, dikopi, le dikgomo. Ho ne ho se yeo a ka bapalang le yena.

Nkgono elellwa hona a nahana, “Tsakani o bapala ka majwe tsatsi le leng le le leng. Hona ha ho a loka. Ke tla etsa leqheka.”Nkgono ne a tseba ho betla patsi. O ne a tseba ho etsa diemahale tsa ditlou tse kgolo, diemahale tsa batho ba tummeng.Nkgono o ne a betlile diemahale tsa ntho e nngwe le enngwe ya e nahanang.

Ha Tsakani a ntse a bapala ka majwe, Nkgono o ne a ntse a betla popo ya patsi.Popo ya patsi e ne e kgona ho dula le ho tsamaya ha feela e le pela Tsakani.“Nkgono, o kokonono,” ho rialo Tsakani ha a bona popo.

Nkgono a siya Tsakani le popo ya patsi a tsamaya.Tsakani o ne a thabile a bapala ka popo ya patsi. Empa ka pele pele a be a se a hlorile hape.Popo e ne e kgona feela ho dula le ho tsamaya. Ho ne ho se yeo a ka buang le yena.

Yaba Nkgono o betla popo enngwe e tla tseba ho tsamaya, ho dula le ho bua.Tsakani o ne a hlolletswe. O bile a tjeka motjeko wa tlholo. A re, “Nkgono o kokonono, ke thabile haholo.”Ba bapala mmoho ho fihlela tsatsi le dikela.

Empa popo ya patsi e ne e sa kgone ho tjeka, ha Tsakani yena a rata motjeko.O ne a rata motjeko wa thabo, wa tlholo le xibelani.O ne a batla ho tsoka letheka feela a se mong, a ena le motswalle wa hae wa patsi. Ho ne ho se yeo a ka tjekang le yena.

Nkgono o ne a ka bopa eng kapa eng ka letsopa le patsi.A betla popo enngwe e ntle ka patsi, e rwetseng difaha, ebile e apere xibelani.Popo ya patsi e ne e kgabile ka mebala. Ene e kgona ho tsamaya, ho dula, ho bua le ho tjeka.

Popo le Tsakani ba mamela dipina, ba tjeka mmoho.Ho tloha tsatsing leo, ha a se sekolong, Tsakani o ne a bapala le dipopo tsa patsi tseo a di etseditsweng ke Nkgono.Tsakani o ne a se a sa hlore ho hang.

Ha Nkgono a elellwa ka moo Tsakani a thabileng ka teng, a betlela ngwana e mong le e mong motseng moo popo ya patsi.A betla le diemahale tsa patsi bakeng sa mokgabiso.Lefatshe lohle la bona mosebetsi o motle wa diatla tsa Nkgono.