UTsakani nabonompopi beengodo
Hlongwani Hlongwani
Tebogo Matshana
isiNdebele
Longer paragraphs
UTsakani nabonompopi beengodo

Sponono Mahlangu
Tebogo Matshana
Kade, ethresteni leMbhokota elabe liseentabeni, kwakuhlala umntazanyana ibizo lakhe kunguTsakani.
-
UTsakani wabe anganabo abangani, ngaso soke isikhathi wabe azihlalela yedwa anesizungu.
-
Wafuna umuntu angasizana naye ukubumba amathoyi webumba, ukwenza iimpoto, amabhigiri kanye neenkomo. Kwakunganamuntu angadlala naye.
1
UGogo wakubona lokhu begodu wacabanga bona, “uTsakani udlala ngamatje woke malanga. Lokhu akukalungi. Ngizokwenza iplani.”
-
UGogo bekakwazi ukubaza isigodo. Bekakwazi ukwenza imibazo yeendlovu ezikulu, imibazo yabantu abadumileko.
-
UGogo bekenza imibazo yayo yoke into ayicabangako.
2
Lokha uTsakani nabekamatasatasa adlala ngamatje, uGogo bekenza unompopi wesigodo.
-
Unompopi wesigodo bekakghona ukuhlala nokukhamba, kodwana kwaphela lokha nakatjhidele kuTsakani.
-
“Gogo, uhlakaniphile,” kutjho uTsakani athabile lokha nakabona unompopi.
3
UGogo wakhamba watjhiya uTsakani nonompopi wesigodo.
-
UTsakani wabe athabe khulu nakadlala ngonompopi wesigodo. Msinyazana besele adonda godu.
-
Unompopi ukghona ukuhlala nokukhamba kwaphela, akakghoni ukukhuluma. Bekunganamuntu angakhuluma naye.
4
Yeke, uGogo wenza omunye unompopi okghona ukukhamba, ukuhlala nokukhuluma.
-
UTsakani wabe athabe komhlolo. Wajida nokujida athabile. Wathi, “Gogo, uhlakaniphe khulu, ungenzele ilanga.”
-
Badlala boke bekwatjhinga ilanga.
5
Kodwana unompopi wesigodo bekangakghoni ukujida, ukube uTsakani yena uthanda ukujida.
-
Uthanda ukujidela umjido wethabo, umjido wokuthumba kanye netjhibhelani.
-
Bekafuna ukuswaya aye ngapha nangapha, nomnganakhe wesigodo. Bekunganamuntu angajida naye.
6
UGogo bekakghona ukwenza enye nenye into ngebumba nesigodo.
-
Wenza godu omunye unompopi wesigodo, owembethe imincamo namabhengele, unompopi wesigodo wambathiswa nomtjeka imbala.
-
Unompopi wesigodo lo bekamuhle arhanyazela. Bekakghona ukukhamba, ukuhlala, ukukhuluma nokujida.
7
Unompopi banoTsakani balalela iingoma begodu bajida bobabili.
-
Ukusukela mhlokho nakangakayi esikolweni, uTsakani bekadlala nabonompopi bakhe beengodo abenziwe nguGogo.
-
UTsakani akhange asakholwa sizungu.
8
UGogo nakabona indlela uTsakani athabe ngayo, wenzela boke abantwana ethresteni abonompopi beengodo.
-
Wabaza neengodo ezinengi ukobana ahlobise ngazo.
-
Iphasi loke belikghona ukubona umsebenzi wezandla ezihle zikaKokwani.
9
Attribution CC BY
Your attribution should include the following:
Title: UTsakani nabonompopi beengodo
Author/s: Hlongwani Hlongwani
Translator/s: Sponono Mahlangu
Illustrator/s: Tebogo Matshana
Assurer/s: Vusi Mahlangu
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator