Sipinishi sibhidvo semacembe. Simila ngetulu kwemhlabatsi.Ungasidla siphekiwe nobe siluhlata.Sipinishi silungele wonkhe umuntfu.Tibhidvo tisilungele!

Liklabishi ngulesinye setibhidvo semacembe. Nalo limila ngetulu kwemhlaba.Lilungele kudliwa njengesaladi nobe liphekiwe.Bantfu labanjingile nalabaphuyile bayalidla kute babe nemitimba lephile kahle.

Ticadze tibhidvo temndeni wetimphandze. Timila ngaphasi kwemhlaba.Ticadze tinembala losawolintji. Tiletsa umbala lomuhle ekudleni kwetfu.Ticadze tigcina emehlo etfu aphile kahle.

Lesinye setibhidvo tetimphandze ibhidiruthi. Ibhidiruthi inembala lomuhle losabubendze.Ingaphekwa, nobe uyidle iluhlata.Ibhidiruthi igcina tinhlitiyo tetfu tiphile kahle.

Litsanga limila ngetulu kwenhlabatsi.Litsanga sitsandza kulipheka. Linembala lophuti, loluhlata njengetjani nobe losaliwolintji, kantsi linetinhlavu letinyenti.Litsanga ligcina imitimba yetfu iphile kahle.

Litamatisi limila sasitselo. Liba luhlata nalingakavutfwa, libe bovu nalivutsiwe. Limise kwendilinga nobe licandza. Lilungele emasaladi nekunonga kudla lokuphekiwe.Ematamatisi anetintfo letinyenti letilusito emphilweni. Litamatisi libuye lisetjentiselwe kwenta imitsi yekwelapha.

Lizambane ngulesinye sibhidvo lesisamphandze.Emazambane lamanyenti asalicandza lelinesikhumba lesinsundvu, kantsi amhlophe ngekhatsi.Emazambane kufanele aphekwe kucala ngaphambi kwekutsi uwadle.

Anyanisi sibhidvo setigadla lesitsandvwako. Simila ngaphasi kwemhlaba.Sinembala lomhlophe ngekhatsi kantsi ngaphandle sisaphuti. Singaphekwa ngetindlela letehlukene nobe sifakwe kumasaladi. Anyanisi ulungele kuvikela imitimba yetfu kutsi singangenwa tifo letehlukene.