Naka na Nala vha guda nga maḓi
Eric Khorombi
Simon Mokoena
Tshivenḓa
First paragraphs
Naka na Nala vha khou ita tshuṅwahaya. Vha khou guda nga maḓi.
-
“Maḓi ha na muvhala na muḓifho, fhedzi ndi tshishumiswa tsha ndeme!” ndi Nala o mangala.
1
Naka a tenda, “Zwoṱhe zwi tshilaho zwi ṱoḓa maḓi. Vhathu vha shumisa maḓi u nwa, u bika, u kunakisa na u sheledza.”
-
“Na u ita zwithu dzifemeni,” Nala a engedza.
2
“Tshipiḓa tshihulwane tsha muvhili tsho vhumbiwa nga maḓi! Maḓi ha fhedzi ḓora fhedzi. Mivhili yashu i ṱoḓa maḓi uri i shume,” ndi Naka a tshi ralo.
3
Nala uri, “Vhunzhi ha ḽifhasi ho fukedzwa nga maḓi a re milamboni, maishani, na maḓanzheni.”
-
Naka a tenda, “Maḓi a fhira tshivhalo tsha tshararu tsha puḽanete yashu.”
4
“Fhedzi vhunzhi ha maḓi a kha ḽifhasi ndi maḓi a muṋo. Hu na maḓi maṱukuṱuku fhedzi avhuḓi, ane vhathu vha a ṱoḓa,” ndi Naka a tshi amba.
5
“Maḓi a lwanzhe a na muṋo, nahone zwi a konḓa na u ḓura u bvisa muṋo kha maḓi. Fhedzi vhathu vha nga si nwe maḓi a muṋo, vha nwa maḓi avhuḓi fhedzi!” ndi Naka o mangala.
6
Nala u ri, “Ee, ndi ngazwo ri tshi tea u ṱhogomela zwisima zwa maḓi ashu avhuḓi a kha ḽifhasi. Ri songo tshikafhadza milambo na maisha nga mashika.”
7
Naka u ri, “Kha ri gude nga mutevheṱhaḓu wa maḓi.”
-
“Maḓi a ya muyani a tshi bva kha ḽifhasi, a dovha a vhuyelela kha ḽifhasi,” Nala a ṱalutshedza.
8
Nala u bvela phanḓa, “Mashotha maṱuku a ya nṱha lutomboni, a vhumba makole. Maḓi a re kha makole a wela kha ḽifhasi sa mvula, tshifhango, kana mahaḓa.”
9
Naka u ri, “Ndi na ḓora, ndi khou ṱoḓa maḓi!”.
-
Nala a fhindula, “Ee, vhuluvhi haṋu vhu ṱoḓa maḓi uri vhu humbule na u guda! Maḓi ndi vhutshilo, a fareni zwavhuḓi.”
10

——Mbudziso


  1. Ndi vhonnyi vhane vha ṱoḓa maḓi avhuḓi? Ndi ngani?
  2. Ṅwalani zwithu zwiṱanu zwine zwa nga shumiselwa maḓi avhuḓi.
  3. Ri nga ṱhogomela hani maḓi avhuḓi a re kha ḽifhasi?
  4. Naa kha ḽifhasi ho ḓalesa maḓi avhuḓi kana a muṋo? Ṱalutshedzani.
  5. Olani mutevheṱhaḓu wa maḓi. Shumisani maipfi a re kha tshiṱori u ṱalutshedza zwine zwa itea.
11
Attribution CC BY
Your attribution should include the following:
Title: Naka na Nala vha guda nga maḓi
Author/s: Eric Khorombi
Illustrator/s: Simon Mokoena
Assurer/s: Tshedza Tlhako, Doris Manyamalala
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator