Lihle le Lwandle ka Selemo
Dikeledi Queen Shai
Khanyisa Masemola
Setswana
First paragraphs
Lihle le Lwandle ba ya kwa laeborari, go ithutela ditlhatlhobo.
-
Lihle o eme kwa ntle. O bitsa kgaitsadiaagwe, “Itlhaganele, Lwandle!”
1
“Ke feditse,” ga bua Lwandle a tswalela mojako wa kwa pele.
-
“Ke goreng o apere diaparo tseo?
-
Go diragala eng ka wena, a o a bobola? Lihle a botsa.”
-
2
Fa go tsidifala, ke tla bo ke ipaakantse!” Lwandle a nyenya.
--
Lihle a fetola, “Ke letsatsi le le bolelo la Selemo. O aparetse setlha se sele!”
3
Fa ba tsamaya, Lwandle a re, “Go phakela, go letsatsi gape go lesedi.”
-
Lihle a araba, “Ee, ke ka moo botlhe ba apereng diaparo tsa Selemo!”
4
Lihle a tlhalosa, “Setlha se, letsatsi le tlhaba phakela mme le dikela thari go na le ditlha tse dingwe. Go diura di le dintsi motshegare. Dithemperetšhara di kwa godimo Selemo.”
5
“A ga o gakologelwe se Morutabana a re boleletseng sona?”
-
Lwandle a akanya, mme a re, “Ee ka Selemo re nwa dinotsididi. Ke batla senotsididi!”
6
“Ka Selemo, re apara botsatsa. Bangwe ba dirisa dikgele go itshireletsa mo letsatsing,” Lihle a bua.
-
“Fokotsa lobelo, ke a gotela!” Lwandle a ngongorega.
7
“Bona batho ba iintsha mogote ka mo mogobeng. A re thumeng, go mogote go ithuta,” Lwandle a tshega.
-
Lihle a thukutha tlhogo, go kgaitsadiaagwe.
8
“Ke rata dikwava le dilitšhi,” ga bua Lihle, a lebile maungo a a rekisiwang.
-
“Ke nyorilwe,” Lwandle a hemela kwa godimo.
-
“Tsaya, ke tlile le metsi,” Lihle a nyenya.
9
“Mogote o o montsi! Selemo se fela leng?” Lwandle a fegelwa.
-
Lihle a tshega, “Itshoke, Selemo ke gona se simololang!
-
Dithemperetšhara di tswelela go tlhatloga.”
10

——Dipotso


  1. Batla mafoko a 3 a a tlhalosang Selemo.
  2. Ke ofe wa basetsana yo o apereng diaparo tse di siametseng:
    • Mariga?
    • Selemo?
    Tlhalosa dikarabo tsa gago.
  3. Kwala dilo di le 2 tseo re ka di dirang go itsidifatsa.
  4. Ke dikotsi dife tsa go nna mo letsatsing le le fisang sebaka se se telele thata?
  5. Batla tshedimosetso ya dinaga tse dingwe tse tlhano tsa mo Aforika tse di itemogelang Selemo, Dikgakologo, Mariga le Letlhabula.
11
Attribution CC BY
Your attribution should include the following:
Title: Lihle le Lwandle ka Selemo
Author/s: Dikeledi Queen Shai
Illustrator/s: Khanyisa Masemola
Assurer/s: Refilwe Ramagoshi, Dineo Moatshe
Language: Setswana

© Zenex Foundation - Saide 2025 (Updated Edition)

CC BY includes the following elements:
 BY   – Credit must be given to the creator