A ku ri nimixo swinene e ntangeni wa swiharhi, muhlayisi wa swiharhi Henny a tiphina hi tiya ya yena.Endhawini ya ku kurisela swiharhi, vahlayisi va swiharhi a vari eku hlayiseni ka swiharhi leswi lavaku ku khomiwa kahle. Muhlayisi wa swiharhi Henny a yimele n’anga ya swiharhi ku ri yi fika.

Dokodela Nosiso i n’anga leyi tshungulaka swiharhi swa nhova. A endzela ntanga wa swiharhi ku ya kambela tiyingwe letintsongo.Endzhaku ko kambela Dokodela Nosiso, Muhlayisi Henny na Muhlayisi Ann va dyisile swivanana.

Loko xihahampfhukaphatsa xa ntanga xa ha famba emoyeni, muhahisi u vone n’wana wa ndlopfu a etlele ehansi. Nwana wa ndlopfu a hlangananile.Xihahampfhuka xi tekile Dokodela Nosiso na Muhlayisi Henny va hahiseriwa laha a ku ri na n’wana wa ndlopfu.

“Ndlopfu leyi yi lava ku yisiwa e ka xibedhlele xa swiharhi hi nomu lowu!” ku vula Dokodela Nosiso.Vahlayisi va swiharhi va vekela n’wana wa ndlopfu eka vuhlaka. Xihahampfuka xi tsutsumisele n’wana wa ndlopfu exibedhlele.

Loko xindlopfani xi humile ekhombyeni, xi yile endhawini ya vuhlayiselo.“Xifanele xi hetile masiku xi nga nwanga nchumu,” ku vula muhlayisi Henny hi rito ra le hansi a ri karhi a dyisa nwana wa ndlopfu.

Eku fambeni ka mavhiki, xindlopfana xi kurile swinene na ku tiyelela. Xikurile, ivi xi sungula ku siringa na ku rhandza ku tlanga na vahlayisi va xona.Xindlopfana a xi rhandza Muhlayisi Henny swinene.

Siku rin’wana na vusiku, lori yi tisile xinhutlwana lexi a xi vabya entangeni wa swiharhi.Vahlayisi va swiharhi hinkwavo va boheke ku pfuna ku yisa xinhutlwana lexi a xi nga ri na matimba endhawini ya vuhlayiselo xi hlayisekile.

Dokodela Nosiso u hlamusele hi murhi lowu faneleke ku nyikiwa nhutlwa.Munhu wun’wana na wun’wana a vilela hi xiharhi lexi lexintsongo, lexi a xi tikeriwa hi ku yima hi xoxe.

Tin’hweti hi ku tlhandlekelana ka tona, xinhutlwana xi kurile xi tiyile na ku leha.Muhlayisi Henny u sungule ku tirhisa xitepisi ku dyisa xirhodyana lexi a xi ri eku kuleni.

Hi ku copeta ka tihlo swiharhi leswi hanyeke kahle swi tlhelela erivaleni lerikulu ro ntanga wa swiharhi. Hi nkarhi lowu a swa ha tlanga swin’we exibedhlele xa swiharhi.Swiharhi swi na nkoka na vanhu lava swi hlayisaka.